"kelishildi" Toshkent viloyati, Parkent tumani

“KELISHILDI” Toshkent viloyati, Parkent tumani Maktabgacha ta'lim bo'limi mudiri __________ A.T.Xusanov “_____”_______________ 2021 yil

“NURIYA” Oilaviy nodavlat maktabgacha ta'lim tashkiloti Ta'sischisining 2021yil ____________dagi ______- son qarori bilan “TASDIQLANGAN”

“NURIYA” nomli

OILAVIY NODAVLAT MAKTABGACHA TA'LIM TASHKILOTINING
USTAVI


Parkent tumani 2021 y.


1.UMUMIY QOIDALAR

1.1. Mazkur Ustav O'zbekiston Respublikasi Vazirlar Mahkamasining 1998 yil 5 yanvardagi 5-son qarori bilan tasdiqlangan “Ta'lim tashkiloti ustavini ishlab chiqish” Tartibi hamda Vazirlar Mahkamasining 2018 yil 30 iyuldagi 595-son qarori bilan tasdiqlangan “Oilaviy nodavlat maktabgacha ta'lim tashkilotlari to'g'risida”gi Nizomga muvofiq ishlab chiqilgan.

1.2. “Nuriya” oilaviy nodavlat maktabgacha ta'lim tashkiloti (keyingi o'rinlarda tashkilot deb ataladi) Yakka tartibdagi tadbirkor Sharifova Nilufar (guvoxnoma №1348219, 01.03.2021 yilda Parkent tuman DXMdan ro'yxatdan o'tgan) tomonidan tashkil etilgan.
1.3. Yakka tartibdagi tadbirkor Sharifova Nilufar (keyingi o'rinlarda Ta'sischi deb ataladi) tashkilotning yagona ta'sischisi hisoblanadi.
1.4. Tashkilot o'z faoliyatida O'zbekiston Respublikasi Konstitutsiyasiga va qonunlariga, O'zbekiston Respublikasi Oliy Majlisi palatalarining qarorlariga, O'zbekiston Respublikasi Prezidentining Farmonlari, qarorlari va Farmoyishlariga, O'zbekiston Respublikasi Vazirlar Mahkamasining qarorlari va Farmoyishlariga, O'zbekiston Respublikasi Maktabgacha ta'lim vazirligi qarorlari, buyruqlari, davlat-xususiy sheriklik to'g'risida bitimga va ta'lim sohasiga oid boshqa qonun hujjatlariga, shuningdek, ushbu Ustavga amal qiladi.
1.5. Tashkilot davlat-xususiy sherikchilikning oilaviy nodavlat maktabgacha ta'lim tashkilotlarini moddiy-texnik va uslubiy jihatdan ta'minlash shakli asosida tashkil etiladi.
1.6. Tashkilot yakka tartibdagi tadbirkor shaklida faoliyat yuritadi va bank hisob raqamiga, o'z nomi ko'rsatilgan muhrga ega bo'ladi.
1.7. Tashkilotning manzili: Toshkent viloyati Parkent tumani So’qoq QFY, Xurriyat MFY, Ulug’bek ko’chasi 74-uy.