Keyingi yillarda Respublikamizda qishloq xo‘jaligini rivojlantirish va yetishtirish bo‘yicha hamda qishloq xo‘jalik xom ashyolarini qayta ishlashga qaratilgan bir qator qonunlar qabul qilinib, amalda tadbiq etilmoqda

Moyli urug‘larning saqlash omborlarini turlari. Moyli urug‘lar saqlanadigan omborlar u yerdagi ishlarning mexanizmlar yordamida bajarilish darajasiga ko‘ra:
1.Mexanizasiyalashtirilmagan;
2.Yarim mexanizatsiyalashtirilgan;
3.Mexanizatsiyalashtirilgan turlarga bo‘linadi.
Mexanizatsiyalashtirilgan va mexanizatsiyalashtirilmagan omborlar. Mexanizatsiyalashtirilmagan omborlarning poli gorizontal bo‘lib muhim o‘rnatilgan tushirish qurilmalari bilan jihozlangan. Bunday omborlar devori tosh, g‘isht va yog‘ochdan bo‘lib balandligi 3,2 m bo‘ladi, ularning sig‘imi, shakli turlicha bo‘lib 29-rasmda ko‘rsatilgan. Ular maksimal sig‘imining 70% ga xom ashyo sig‘imi mumkin. Bunday omborlar oldiga urug‘larni tozalash va quritish inshootlari ham birgalikda qurilishi mumkin.
Bunday omborlarda xom ashyo vaqtincha yoki uzoq muddatda saqlanishi mumkin. Bu tipdagi omborlarni kam xarajat sarf qilib mexanizatsiyalashtirish imkoniyatlari mavjud.
Mexanizatsiyalashtirilmagan omborlari urug‘larni tushirish va yuklashda ko‘chma harakatlanuvchi mexanizmlar yordamida bajariladi, bu kuchma mexanizmlarni ishlatish ko‘p mexnat va xarajat talab etadi. Bunday omborlarni bir qism muhim o‘rnatilgan mexanizmlar bilan jihozlash mumkin, bunda bajariladigan ikki operatsiyadan (yuklash yoki tushirish) biri muhim o‘rnatilgan mexanizmlar yordamida, boshqasi qo‘shma mexanizmlar yordamida amalga oshiriladi.
Mexanizatsiyalashtirilgan omborlarning poli gorizontal va konus shaklida bo‘lib unda urug‘ uyum holda saqlanadi, ularda bir xil partiyadagi 5-6 ming tonna urug‘ni saqlash mumkin. Bunday omborlarda urug‘ni qabul qilish va uzatish ishlari muhim o‘rnatilgan mexanizmlar yordamida amalga oshiriladi, ular ostki va ustki transportyorlar bilan jixozlangan. Ostki transportyorlar omborxona poli ostida galereyalarda o‘rnatiladi. Turli ko‘rinishdagi mexanizatsiyalashtirilgan omborlar 30-rasmda o‘rnatilgan.
Paxta chigiti saqlanadigan omborlar. Ko‘p yillar davomida yog‘ zavodlarida paxta chigiti piramida shaklidagi buntlarda ochiq holda saqlanar edi. Buntda saqlashning kamchiligi shundaki, chigitni buntlash yoki buntni buzib undan chigitni ishlab chiqarishda uzatish vaqtida ob-havo o‘zgarib namgarchilik bo‘lsa, chigit namlanib qoladi va quritish qiyin bo‘ladi. Lekin ob-havo qulay bo‘lgan vaqtda buntlangan chigit ustiga bir marta yomg‘ir yog‘ib o‘tgandan keyin uning ustida 5-10 sm qalinlikda qatqalok hosil bo‘lganligi uchun u bir necha oy buzilmay yaxshi saqlanishi mumkin.
Chigit qayta ishlanadigan zavodlarda vagon yoki avtomashinada chigit qabul qilib oladigan joylar bilan omborlar orasida tunnel quriladi va chigit lentali transportyor orqali uzatiladi. Ombor bilan chigit tozalash bo‘limlar orasda ham tunnel bo‘ladi.
Hozirgi vaqtda yog‘-moy zavodlarida zamonaviy paxta chigitini saqlash omborlari qurilgan bo‘lib uning umumiy ko‘rinishi 31-rasmda ko‘rsatilgan, bu omborlar aktiv shamollatish jixozlari bilan ta‘minlangan. Bunday omborlar yig‘ma temir beton konstruktsiyasidan qurilgan bo‘lib unda chigitni navlar bo‘yicha saqlash uchun sektsiyalarga bo‘lingan. Paxta chigiti qabul qilish qurilmasidan 3 noriya orqali ustki galeriyadagi 1 lentali transportyorga uzatiladi. Chigitni sektsiyalariga taksimlash uchun maxsus 2 novalar o‘rnatilgan bo‘lib lentali transportyordan chigit shu novalarga beriladi. Chigitni ishlab chiqarishda uzatish uchun omborni ikki tomonida ayvon ostida kanal o‘tqazilgan bo‘lib uning ichiga 5 lentali transportyor o‘rnatilgan. Omborxona polida muhim o‘rnatilgan 4 shnekli transportyorlar bo‘lib ular chigitni 5 lentali transportyorda uzatish uchun xizmat qiladi. Bunday omborlarda bajarilgan hamma ishlar mexanizatsiyalashtirilgan. Har bir sektsiyadagi urug‘ning harorati avtomatik harorat o‘lchash qurilmalari yordamida nazorat qilib boriladi.