Ki fakulteti ats 11 – 20 guruh talabasining elektron hukumat fanidan

 
 

---

Elektron hukumat: xalqaro tajriba va joriy etish modellari. 
 
1-rasm:Xalqaro standartlar:xorijiy va milliy tajriba. 
O'zbekiston Respublikasi Oliy Majlisining Inson huquqlari bo'yicha vakili 
(Ombudsman) va Ichki ishlar vazirligi hamda «Taraqqiyot strategiyasi» markazi 
hamkorligida “Jazoni ijro etish tizimi faoliyati: xalqaro standartlar hamda xorijiy va 
milliy tajriba” mavzusidagi onlayn va oflayn seminar bo'lib o'tdi. Seminar BMTning 
Inson huquqlari bo'yicha Oliy komissari boshqarmasining Markaziy Osiyo bo'yicha 
vakolatxonasi va Demokratiya jamg'armasi hamda Xalqaro qamoqxonalar islohoti 
(PRI) xalqaro nodavlat tashkilotining ko'magida tashkil etildi. Unda, O'zbekiston 
Respublikasi Oliy Majlisining Inson huquqlari bo'yicha vakili (Ombudsman), Oliy 
Majlis Senati va qonunchilik palatalari qo'mitalari vakillari, BMTning Inson 
huquqlari bo'yicha Oliy komissari boshqarmasi Markaziy Osiyo uchun mintaqaviy 
vakili, Xalqaro qamoqxonalar islohotining (PRI) xalqaro nodavlat tashkilotining 
Markaziy Osiyodagi vakolatxonasi vakili, Ichki ishlar vazirligining jazoni ijro etish 
bosh boshqarmasi mas'ul xodimlari ishtirok etishdi. 
O'quv seminar davomida, “Jazoni ijro etish muassasalarining faoliyati: 
xalqaro standartlar va ilg'or amaliyot asosida ijobiy tendentsiyalar, muammolar va 
istiqbollar” haqida ma'lumotlar o'rtaga tashlandi. Jumladan, jazoni ijro etish 
muassasalaridagi tartib va intizom, reabilitatsiya va mahkumlarning jamiyatga qayta 
moslashuvi, jazoni ijro etish muassasalaridagi menejment va servis dasturlarini 
tashkil etish yuzasidan trening o'tkazilib, jazoni ijro etish muassasalaridagi ijobiy 
tendentsiyalardan misollar keltirildi. 
Shuningdek, O'zbekiston Respublikasi Oliy Majlisining Inson huquqlari bo'yicha 
vakili (Ombudsman) tomonidan ishtirokchilarga qamoqda saqlanayotgan 

---

shaxslarning huquqlari va erkinliklarini ta'minlash ustidan parlament nazoratini 
kuchaytirish bo'yicha olib borilayotgan aniq maqsadli ishlar, uning huzuridagi 
qiynoqlarning oldini olish bo'yicha Milliy preventiv mexanizm (MPM) doirasida 
amalga oshirilayotgan ishlar va jazoni ijro etish muassasalariga doimiy ravishda 
monitoring tashriflari to'g'risida ma'lumot berildi. 
Jumladan, Monitoring guruhlarida fuqarolik jamiyati instituti vakillari, shuningdek, 
O'zbekiston Respublikasi Oliy Majlisi Qonunchilik palatasi deputatlari va Senat 
a'zolari ishtirok etmoqda. 
Qonunda belgilangan vakolatlarga muvofiq, Vakil huzurida milliy preventiv 
mexanizm doirasida faoliyat ko'rsatuvchi ekspert guruhi tomonidan joriy yilning 
noyabr` oyiga qadar tergov hibsxonalari, ozodlikdan mahrum etish joylari va 
shaxslar turgan, o'z ixtiyori bilan chiqib keta olmaydigan boshqa joylarda Milliy 
preventiv mexanizm doirasida jami 68 ta monitoring o'tkazildi. 
Xususan, monitoring 40 tasi jazoni ijro etish muassasalari (17 tasi manzil-koloniya 
va 23 tasi JIe), 6 tasi tergov hibsxonasi, 5 tasi ichki ishlar organlarining Ma'muriy 
qamoqqa olinganlarni saqlash uchun mo'ljallangan maxsus qabulxonalari, 9 tasi 
Vaqtincha saqlash hibsxonalari, 2 tasi ichki ishlar bo'limlari, 2 tasi muayyan yashash 
joyiga ega bo'lmagan shaxslarni reabilitatsiya etish markazlari va 4 tasi karantin 
muassasalarida amalga oshirildi. 
Monitoring tashriflari davomida tergov hibsxonasi va ozodlikdan mahrum etish 
joylardagi 3700 dan (joriy yilning 6 oyida 1700 dan) ortiq shaxslar bilan jamoaviy 
uchrashuvlar va 534 ta shaxs bilan yakka tartibdagi suhbatlar o'tkazilgan. 
Shuningdek, ishtirokchilarga ushlab turilgan, qamoqqa olingan va ozodlikdan 
mahrum etishga hukm qilingan shaxslarga nisbatan qiynoqqa solish va boshqa 
shafqatsiz, g'ayriinsoniy yoki qadr-qimmatni kamsituvchi muomala hamda jazo 
turlari qo'llanilganligi bo'yicha kelib tushgan murojaatlar hamda qiynoqning oldini 
olish yuzasidan mamlakatimizda amalga oshirilayotgan keng ko'lamli islohotlar 
haqida axborot berildi. 
Tadbirda shu va boshqa shu kabi masalalarning mazmun mohiyati, ijrosini 
ta'minlash bo'yicha qilinayotgan ishlar haqida ham aytib o'tildi. Shuningdek, 
ommaviy axborot vositalari xodimlarining savollariga ham mutahassislar batafsil 
javob berdilar. 

---

Foydalanilgan adabiyotlar ro’yxati: 
1. O’zbekiston Respublikasining “Elektron hukumat to’g’risida”gi Qonuni 
(2015 yil 9 dekabr № O’RQ—395) 
2. Kovalyova L.N. Mnogofaktornoye prognozirovaniye na osnove ryadov 
dinamiki.-M.: Statistika, 1980.-104 s. 
3. Ergashev A. X. Mavhum jarayonlarni matematik modellashtirish.- Qarshi: 
Nasaf, 2000.-103 b. 
4. Frenkel A.A. Prognozirovaniye proizvoditelnosti truda: metodы i modeli. 
–M.: Ekonomika, 2007.-214 s. 
S.S.Qosimov. Axborot texnologiyalari. O’quv qo’llanma. Toshkent . “Aloqachi”, 
2006-y