Кичик бизнес ва тадбиркорликда ходимларни укитиш ва малакасини оиришни ташкил этиш

4. Тадбиркорликни амалга ошириш шарт-шароитлари ва босқичлари
Бизнес ва тадбиркорликнинг юқорида айтилган моҳияти ва хусусиятларидан келиб чиқадики, бизнеснинг яшаши ва ривож топиши учун қуйидаги шарт-шароитлар зарур:

• 
  мулкка эгалик қилиш ва пировард махсулдорликка эришиш ва шуниндек
  моддий неъматларга эгалик қилиш хуқуқини олиш ёки у хуқуқни бошқаларга
  ўтказиш имконияти;
  
• 
  нисбатан хўжалик субъектларини мустақил фаолият кўрсата олиши,
  уларнинг хўжалик фаолиятида иқтисодий жиҳатдан эркин бўлиши; жумладан
  шартнома тузишда, қўшилишда, фаолият турни танлашда, истеъмолчиларни
  танлашда;
  
• 
  айирбошлаш шаклларини ривожлантириш, яъни товар-пул
  муносабатларининг мувофиқлиги, жумладан меҳнатни эркин равишда
  айирбошлаш, ёллаш, бошқачасига айтсак - бозорга бемалол кириш
  имкониятларининг мавжудлиги.
  

Бизнес фаолияти иштирокчиларининг манфаатлари

Бизнес фаолияти иштирокчилари	Манфаатлар
I. Ички шароитлар:
1. Капитал эгаси, эгалари	- Капитални сақлаш ва кўпайтириш; - Доимо бирдек фойда олиб туриш; - Пировард равишда хал қилувчи қарорлар қабул қилиш хуқуқи;
2. Менеджерлар	- Фойда олиш ва фирманинг ривожланишини таъминлаш; - Хусусий манфаатлар (Мукофот, мустақил бўлиш, хукмдор бўлиш);
3. Ёлланган ходимлар	- Юқори иш хақи; - Иш жойини йўқотмаслик учун ишонч; - Яхши меҳнат шароитлари ва юқори даражадаги ижтимоий ҳимояланиш
II. Ташқи муҳит:
1. Давлат ва жамоатчилик	- Иш жойларини яратиш, ижтимоий холат; - Дунё бозорида рақобат қилиш қобилияти; - Баҳо даражасининг бир меъёрда туриши; - Якка хокимликка қарши кураш чоралари билан бозор муносабатларини сақлаб туриши қўллаб-қувватлаш; - Атроф муҳитни ва истеъмолчилар манфаатларини ҳимоялаш.
2. Хом ашё етказиб берув-чилар	- Юқори даромад ва кам харажатлар; - Шартнома алоқаларининг мўътадил-лиги (стабильность)
3. Кредиторлар	- Юқори процентлар; - Кредитни қайтариш кафолати; - Фирмага таъсир этиш имконияти.
4. Истеъмолчилар	- Кенг танлов имконияти; - Маҳсулотнинг юқори сифатда бўлиши; - Баҳонинг паст даражада бўлиши; - Сервис хизматининг юқори даражада бўлиши.