Кимё фанидан абитуриентлар

Индекс деб модда таркибидаги элемент сонини билдирувчи сонга айтилади. У

элементнинг ўнг томонига пастроққа ёзилади. Масалан: H₂SO₄

39. Коффициент нима? Коэффициент моддалар кимёвий формулалари олдидаги сон бўлиб, у шу модданинг
нечта молекуласи тўғрисида гап кетаётганини билдиради. Кимёвий реакцияларда массанинг сақланиш қонунига мувофиқ реакциянинг ўнг ва чап томонларини тенглаш мақсадида ёзилади. Масалан: 2Н₂О, 8HNO₃
40. Молекуляр тузилишли оддий моддалар формуласи қандай ёзилади? Молекуляр тузилишли моддаларнинг формулаларини ёзишда молекуланинг неча атомдан иборатлиги аниқ кўрсатилади. Масалан: О₂, О₃, Р₄.
41. Номолекуляр тузилишли оддий моддалар формуласи қандай ёзилади?

Номолекуляр тузилишли моддаларнинг формулалари шу моддани ташкил этувчи элементлар белгилари орқали ифодаланади. Масалан: Al, NaCl, Fe₂O₃. Амалда уларнинг ҳақиқий таркиби бу формулага бўйсунмайди.

42. Кимёвий формуладан қандай маълумотлар олиш мумкин?
Кимёвий формуладан қуйидаги маълумотларни аниқлаш мумкин: модданинг сифат ва миқдор таркибини, модда формуласида элементларнинг ёзилиш тартибини, бирикма таркибидаги элементларнинг масса нисбатини.
43. Кимёвий формулалар қандай ўқилади?

Кимёвий формулалар улардаги элементларнинг келиш тартибида ўқилади. Бунда

қуйидаги элементлар оддий ҳарф сифатида ўқилади:О-о,Н-аш,Р-пе,С-це,S-эс,N-эн,

қолган элементларнинг тўлиқ номи айтилади.

44. қуйидаги формулаларни ўқинг: Н₂, /₂, Cl₂, Р₂О₅,Fе₂О₃, Н₂SO₄, Н₄Р₂О₇,СН₃ОН,
С₆Н₁₂О₆

Формулаларнинг ўқилиши қуйидагича: аш-икки, фтор- икки, хлор-икки, пе-икки о-беш, темир-икки о-уч, аш-икки эс-о-тўрт, аш-тўрт пе-икки о-етти, це аш-уч о-аш, це-олти аш-ўн икки о-олти.

45. Модда таркиби доимийлиги қонуни ким томонидан қачон кашф этилган?
Модда таркибининг доимийлиги қонуни 1799 йилда Ж.Л.Пруст томонидан кашф этилган.У қуйидагича таърифланади: «Кимёвий тоза модда қаерда ва қайси усулда олинишидан қатъи назар ўзгармас таркибга эга.
46. Модда таркибининг доимийлиги қонунини нималарга қўллаш мумкин?
Модда таркибининг доимийлиги қонуни асосан кимёвий бирикмалар формуласини тўғри ёзиш учун татбиқ этилади. Шунигдек, бирикма таркибидаги элементларнинг масса нисбатини аниқлаш учун қўлланилади.
47. қуйидаги моддаларда элементлар қандай энг кичик масса нисбатда эканини
аниқланг: а)Fе₂О₃, б)СrO₃, в)MgSO₄, г)СuCO₃, д)СаBr₂.
а)Fе:O=7:3, б)Cr:O=13:12, в)Mg:S:O=3:4:8,
г)Cu:C:O=16:3:12, д)Ca:Br=1:4