Кириш I. Асосий макроиқтисодий кўрсаткичларнинг 2023 йилдаги кутилаётган ижроси ҳамда

Ресурс солиқлари ва мол-мулк солиғи
Ресурс солиқлари ва мол-мулк солиғи бўйича тушумлар 31,8 трлн сўм ёки 
2023 йилги кутилаётган ижрога нисбатан 3,5 трлн сўмга (112,4 фоиз) кўп бўлиши 
прогноз қилинмоқда. 
2024 йилда ресурс солиқлари ва мол-мулк солиғи Давлат бюджети 
даромадлари прогнозининг 11,8 фоизини ташкил этади. 
Прогноз кўрсаткичларига кўра, ресурс солиқларининг асосий, яъни 
52,4 фоизи қисми ер қаъридан фойдаланганлик учун солиққа тўғри келади.
Ер қаъридан фойдаланганлик учун солиқ бўйича тушумлар 16,7 трлн сўм 
ёки 2023 йилги кутилаётган ижрога нисбатан 1,6 трлн сўмга (110,9 фоиз) кўп 
прогноз қилинмоқда. 
Мол-мулк солиғи, ер солиғи ва сув ресурсларидан фойдаланганлик 
учун солиқ бўйича тушумлар 15,1 трлн сўм ёки 2023 йилги кутилаётган ижрога 
нисбатан 1,9 трлн сўмга (114,0 фоиз) кўп бўлиши прогноз қилинмоқда. 
Бошқа солиқсиз тушумлар
Бошқа солиқсиз тушумлар 41,6 трлн сўм ёки 2023 йилги кутилаётган ижрога 
нисбатан 4,2 трлн сўмга (90,8 фоиз) кам бўлиши кутилмоқда. 
2024 йилда бошқа солиқсиз тушумлар Давлат бюджети даромадлари 
прогнозининг 15,4 фоизини ташкил этади. 
Бунда, дивидендлар ва давлат унитар корхоналари соф фойдасидан 
тушумлар 23,8 трлн сўм, шу жумладан, “Навоий кон-металлургия комбинати” ва 
“Олмалиқ кон-металлургия комбинати” акциядорлик жамиятлари корхоналари 
дивидендларидан 18,6 трлн сўм тушиши прогноз қилинган. 

---

52 
Давлат бюджети даромадларининг 2025-2026 йилларга мўлжаллари. 
2025-2026 йиллар учун Давлат бюджети даромадлари мўлжаллари асосий 
макроиқтисодий кўрсаткичлар прогнозидан ва солиқ-божхона сиёсатидаги кўзда 
тутилаётган ўзгаришлардан келиб чиққан ҳолда ишлаб чиқилган. 
Кўзда тутилаётган ўзгаришлар, иқтисодий ўсиш кўрсаткичларидан келиб 
чиқиб, 2025 йил учун Давлат бюджети даромадлари мўлжаллари 331,0 трлн сўм, 
2026 йилда 379,0 трлн сўм миқдорида белгиланмоқда.