Kirish. I. Bob. Huquqiy tarbiya amaliyoti

Huquqiy tarbiyaning dastlabki bosqichi

Huquqiy demokratik davlatni qurish va adolatli fuqarolik jamiyatini shakllantirish yo’lidan dadil borayotgan mustaqil O’zbekistonda fuqarolar huquqiy ongini, xuquqiy madaniyatini yuksaltirish g’oyat darajada muhim, dolzarb muammodir. Mamlakatimizning rivojlanishi va istiqboli, keng ko’lamda o’tkazilayotgan iqtisodiyot, siyosat, davlat qurilishi, huquqiy tizim va jamiyatni ma’naviy o’zgartirishning muvaffaqiyati ko’p jihatdan huquqiy ongi va bilimi hamda huquqiy madaniyat darajasiga bog’liqligi o’z-o’zidan ayon.
"Huquqiy ong - huquqni anglash demakdir, odamlarning ham amaldagi huquqga, ham ularning o’zlari istalgan huquqga munosabatini ifoda etadigan tassavvur va his-tuyg’ularning mujassamidir. U tabiatan huquq bilan mushtarakdir va shu sababli mavjud iqtisodiy munosabatlarga nisbatan ikkilamchidir. Huquqiy ong jamiyatning, turli ijtimoiy guruhlarning obyektiv ravishda kelib chiqqan ehtiyojlari va manfaatlarining bevosita ta’sirida shakllanadi, o’zgarib turadigan obyektiv sharoitlar va jarayonlar ta’siri ostida doimiy rivojlanib boradi. Huquqiy ong ijtimoiy ongning bir qismidir va shu sababli unga falsafiy, mafkuraviy va siyosiy qarashlar ta’sir etib turadi."
Huquqiy ongni rivojlantirishga jamiyatda bo’layotgan o’zgarishlar, qabul qilinayotgan yangi qonunlar, yangi qonunlarning loyihalarini keng omma (halq) orasida muhokama qilinishi, barcha o’quv yurtlarida, maktablarda huquq haqidagi bilimlarni o’rgatish-o’rganish, mazkur fanlardan imtihonlar joriy etish, radio, televideniya, vaqtli matbuotlarda huquqiy bilimlarni keng targ’ib va tashviq qilish; aholining mustaqil ravishda, huquqiy bilimlarni o’rganish maqsadida qonun hujjatlarini muntazam chop etib borish; sud, prokuratura, ⁴ militsiya organlarining ish tajribasini ommalashtirib borish; adliya va huquqshunoslik fanlarini rivojlantirish; oshkoralikni ta’minlash; boshqa davlatlarning huquqiy tajribasini o’rganish va ulardan foydalanish; badiiy adabiyotda, san’atda huquqiy bilimlarni tarqatish, o’ylaymizki huquqiy ongni rivojlantirishning omillari bo’lib hisoblanadi.
Huquqiy madaniyatning o'rni jamiyatning ma'naviy sohasi bilan chegaralanmaydi. Bu nafaqat ongga ta'sir qiladi. Shuningdek, odamlarning xulq-atvori, turmush tarzi haqida. Huquqiy madaniyatning sub'ektiv tomoni shundan iboratki, huquqiy madaniyatga ega bo'lgan shaxs ongli ravishda shaxs sifatida ijodiy va maqsadga muvofiq harakat qiladi, shu bilan birga qonunlarni olingan huquqiy va boshqa hayotiy tajriba orqali va uning ehtiyojlari orqali baholaydi. Huquqiy madaniyatning subyektivligi, shuningdek, uning etnosotsial guruhlarda namoyon bo'lish xususiyatidir.
Zamonaviy huquqiy adabiyotlarda huquqiy madaniyatni tushunishda turli xil yondashuvlar mavjud. Huquqiy madaniyatning turli xil tushunchalarining metodologik samaradorligining mezoni madaniy va huquqiy hodisalarni tushunishning mavhum shakllangan tamoyillarini tarixiy va huquqiy tizim darajasiga va aksincha tarjima qilish qobiliyatidir.
Xuddi shu huquqiy hodisalarni ijtimoiy, sinf, guruh, milliy, shaxsiy munosabat va manfaatlarga qarab, turli yo'llar bilan baholash mumkin. Huquqiy hodisalarni ijobiy yoki salbiy deb baholash uchun umume'tirof etilgan mezonlarni yaratishda ham, bunday baholarning tarixiy nisbiy xususiyatini hisobga olish zarur. Huquqiy madaniyat hodisalari harakatchan, tarixan o'zgaruvchandir.
Jamiyatning huquqiy madaniyati - bu qonunni moddiy va ma'naviy qayta tiklashning butun sohasi, ma'lum bir tarixiy davrda jamiyatning huquqiy amaliyoti. Ko'p millatli davlatlarda jamiyatning huquqiy madaniyati juda murakkab, chunki u ham milliy, ham milliy huquqiy madaniyatni o'z ichiga oladi. Kishilik jamiyatining huquqiy madaniyati umumiy insoniy qadriyatlar, mavjud bo'lgan barcha davlat va milliy huquqiy madaniyatlar ta'siri ostida shakllanadi. Muayyan davlat jamiyatining huquqiy madaniyati umumiy, o'ziga xos va individual xususiyatlarni o'z ichiga oladi. Mutlaqo bir-biriga o'xshash odamlar, xalqlar, davlatlar mavjud emas va bir xil huquqiy madaniyatlar mavjud emas. Jamiyat va xalqning kamoloti umumiy va huquqiy madaniyat darajasiga bog'liq.
Aholining barcha qatlamlarini huquqiy savodxonlikka erishishlari, yuksak darajadagi huquqiy ongga ega bo’lishlari hamda huquqiy bilimlarini kundalik hayotda qo’llay olishlari uchun asosiy e’tiborni nimalarga qaratish lozimligi haqidagi vazifalar Oliy Majlis tomonidan 1997 yil 29 avgustda qabul qilingan "Jamiyatda huquqiy madaniyatni yuksaltirish Milliy dasturi"da ham belgilab berilgan. Huquqiy ong va huquqiy madaniyat ham moddiy ma’naviy, ahloqiy va boshqa mafkuraviy omillar asosida shakllanib hamda rivojlanib boradi. Huquqiy madaniyat fuqarolarning yetukligi va ongliligini ko’rsatuvchi me’yordir. Huquqiy ong, bilim va tasavvurlar insonda tasodifiy ravishda paydo bo’lmaydi. Uni insonning tug’ma xususiyati deyish ham mumkin emas. Inson onadan dono-yu donishmand bo’lib ham tug’ilmaydi. Kishidagi huquqiy ong, huquqiy bilim va madaniyat ta’lim tarbiya, o’qish o’rganish, mehnat qilish, amaliy faoliyat, hayot tajribasi, ajdodlar merosi va namunasi asosida shakllanib, rivojlanib uzluksiz takomillashib boradi. Huquqiy bilimlar va huquqiy ongning yuzaga kelishi va rivojlanishi cheksiz jarayondir. U jamiyat taraqqiyoti asosida yuzaga keladigan obyektiv talab va ehtiyojlar, mavjud imkoniyatlar, shart sharoitlar asosida shakllanadi.
Inson jamiyatda, davlatda yashar ekan, uning huquqiy ongini shakllanishi mavjud huquqiy mezonlar bilan bog’lanmog’i lozim. Huquqiy madaniyatsiz jamiyat kelajagini tassavur etib bo’lmaydi. Yoshlarning qalbi va vujudiga go’daklik paytidan boshlab odob ahloq, huquqiy qonun qoidalar haqidagi ilk tasavvur va tushunchalarni singdirishga jamiyatning asosi bo’lgan oilaning roli va ahamiyati beqiyosdir.
"Qonunlarimiz asoslaridan xabardor bo’lish yoshlar o’rtasida qonunbuzarlik holatlarini, odob ahloqimizga zid hatti xarakatlarning oldini olishda, ularning huquqiy ongi va madaniyatini o’stirishda o’zining ijobiy ta’sirini ko’rsatmoqda. Qonunlarni yaxshi bilgan yoshlargina ularga rioya qiladi. Bunday inson o’zini ham oilasini ham, halqi davlatini ham himoya eta oladi. Qonun talablariga qat’iy rioya etish, qonunlarimizga yuksak ehtirom ko’rsatish, qonun oldida hamma- prezident va oddiy fuqaro ham, erkagu ayollar ham, yoshlaru keksalar ham, tadbirkorlaru mansabdor shaxslar ham teng va ma’sul ekanini, bu masalada hech kimda alohida imtiyoz yo’qligini chuqur idrok etish, ana shu qadriyatni ongiga mukammal singdirish barcha yoshlar uchun muhim fazilat hisoblanadi."
Shunday qilib, ijtimoiy ongning tarkibiy qismi bo’lgan huquqiy ong jamiyat taraqqiyotiga, ijtimoiy turmush rivojlanishiga aks ta’sir ko’rsatadi. Huquqiy g’oyalar, bilim va tasavvurlar, huquqiy nazariyalar ijtimoiy hayotning barcha tomonlariga kirib borib, fuqarolarning ongidan o’rin olib odamlar hulq atvoriga, amaliy faoliyatiga mafkuraviy va psihologik ta’sir etadi. Huquqiy ong odamlarni ma’lum tarzda o’zlarini idora qilishga, jamiyat qabul qilgan qonun va qoidalar doirasida faoliyat ko’rsatishga undaydi.
Kishilar huquqiy ongi va bilimi rivojlanganlik darajasini ularning ijtimoiy-huquqiy faolligiga qarab aniqlash mumkin. Jamiyat a’zolarining ijtimoiy-siyosiy, iqtisodiy, madaniy ma’naviy sohalarda, o’z-o’zini boshqarish organlarida faol ishtirok etishlari huquqiy ong va huquqiy madaniyat darajasi o’sib borayotganligidan dalolat beradi.