Кириш I боб

Трансиверлар ёки узатиш ва қабул қилиш қурилмалари (TRANsmitter+reСEIVER, приемопередатчики), улар адаптер билан тармоқ кабели ўртасидаги ахборотни узатиш учун хизмат қиладилар ёки тармоқнинг икки қисимлари (сегмент) ўртасидаги ахборот узатишни амалга оширадилар. Трансивер сигнални кучайтириш, сигнал қийматларини ўзгартириш ёки сигнал кўринишини ўзгартириш (масалан, электр сигналини ёруғлик сигналига ва тескарига) ишларини бажаради. Кўпинча адаптер платасига ўрнатилган қабул қилиш ва узатиш қурилмасини трансивер деб хам юритилади.
Репитерлар ёки қайтарувчи (repeater, повторители) қурилмаси трансиверга нисбатан анча оддий вазифани бажаради. У фақат сусайган сигнални қайта тиклаб аввалги яъни узатилган вақтидаги кўринишга (амплитудаси ва кўринишини) келтиради. Сигнални қайта тиклашнинг асосий мақсади, тармоқ узунлигини оширишдан иборат (4.4–расм). Лекин репитерлар кўпинча бошқа функцияларни хам бажарадилар, масалан, тармоққа уланадиган қисимларни галваник ажратиш. Репитерлар ва трансиверлар хеч махал ўзидан ўтаётган ахборотга хеч қандай ишлов бермайдилар.




Репитер

4.4 – расм. Тармоқнинг икки бўлагини репитер ёрдамида улаш

Концентраторлар (Hub), ўз номидан келиб чиқадики, бир неча тармоқ қисимларини бирлаштириб бир бутун тармоқ хосил қилишга хизмат қиладилар. Консентраторларни актив ва пассивга ажратиш мумкин.
Пассив концентраторлар конструктив жихатидан бир неча репитерларни ўз таркибига олган бўлади. Улар репитерлар бажарадиган вазифаларини ўзини бажарадилар (4.5–расм). Бундай концентраторларнинг алохида олинган репитерларга нисбатан афзаллиги хамма уланиш нуқталари бир жойга йиғилганлиги. Бу тармоқ тузилишини ўзгартиришга қулайлик тўғдиради, тармоқни назорат қилиш ва носозликларни топишни осонлаштиради. Шунингдек хамма репитерлар бу холда сифатли ва бир нуқтадан электр манбайига уланадилар.

Концентратор

Репитер

Репитер

Репитер

Репитер

Сегмент 1 Сегмент 3

Сегмент 2 Сегмент 4

4.5 – расм. Репитерли концентраторнинг структураси

Пассив консентраторлар бази холларда ахборот алмашинувига аралашадилар, яъни бази бир аниқ хатоликларни йўқотишга ёрдамлашиб.

Актив консентраторлар анча мураккаб вазифаларни бажарадилар, масалан, улар алмашув протоколларини ва ахборотни ўзгартиришни амалга оширадилар. Тўғри, бу ўзгартиришлар анча содда. Актив консентраторларга мисол, коммутация қилувчи консентраторлар (switching hub), коммутаторлар бўлиши мумкин. Улар пакетларни тармоқнинг бир қисмидан иккинчи қисмига узатадилар, лекин айнан шу тармоқ қисмидаги абонентга манзилланган пакетнигина узатадилар. Бу холда пакетнинг ўзи коммутатор томонидан қабул қилинмайди.Бу тармоқда ахборот алмашиш частотасини камайтириб юборади, чунки хар бир тармоқ қисми фақат ўзига талуқли пакетлар билан ишлайди.