Targ’ibot ishlarining yetarlicha yo‘lga qo‘yilmaganligi
Termiz davlat universiteti bugungi kunda targ’ibot ishlarida ham ancha ishlarni amalga oshirayotganligi haqida Termiz davlat universiteti rasmiy sayti orqali ma’lumotlar oldik. Xalqaro universitetlar bilan hamkorliklar, xalqaro darajadagi loyihalardagi ishtiroklar ammo bu kabi targ’ibot ishlarini universitetda ta’lim olayotgan talabalarning yarmidan ko‘pi behabarligi aniqlandi.
Yana bir misol keltirsak, biz bilamizki bugungi kunda hohlaymizmi yo‘qmi internet tarmoqlaridagi faollik istalgan shaxs yoki tashkilot imidjiga ijobiy yoki salbiy holda ta’sir etadi. Bu borada ham qilingan ishlar ko‘rib chiqildi. You Tube va Telegram tarmoqlarida faollikka harakat qilayotgan Termiz davlat universiteti Instagram tarmog’ida rasmiy sahifaga ega emas, rasmiy sahifa deya namoyish etilayotgan sahifalarda Termiz davlat universiteti haqida yetarlicha ma’lumotlar, yoki ijobiy taasurot qoldiruvchi postlar mavjud emas. Targ’ibot ishlarida Termiz davlat universiteti nomi, logosi yetarlicha ommalashtirilmagan. Imidjni olib chiqish maqsadida turli hildagi tadbirlar va konkurslar amalga oshirilmaydi. Termiz davlat universiteti logosi tushirilgan mahsulotlarga hamma talaba va o‘qituvchilar ega emas, ushbu mahsulotlarni sotib olish imkoniyati ham mavjud emas, chunki bu mahsulotlar sotuvda yo‘q.
Termiz davlat universitetida aynan shu universitetni tamomlagan bugungi kunda yuqori natijalarga erishgan sobiq talabalar bilan motivatsion uchrashuvlarning o‘tkazilmasligi talabalar bilan mativatsion muloqoqtning deyarli mavjud emasligining yana bir isboti. Ko‘plab ko‘zga ko‘ringan oliygohlar asosiy maqsadni talabalarga kuchli motivatsiya berishda deb qarashadi. Kuchli ishtiyoqga ega talaba o‘zi istagan holda mukammal bilim oladi va yaxshi natijalarga erishadi deb hisoblashadi. Shu tufayli, ko‘plab xorij oliy o‘quv yurtlarida asosan o‘zlarining yuqori yutuqlarga erishgan sobiq talabalari, yoki shunchaki siyosat, san’at olamida mashhur insonlar bilan kechalar uyushtiriladi, ulardan motivatsion nuqtlar eshitishadi. Bu kabi kechalar talabalarni ruhlantiradi va aniq maqsad sari intilishiga ko‘maklashadi. Ularda raqobatbardoshlik ruhini oshiradi, uchrashi mumkin bo‘lgan muammolarga sog’lom ko‘z bilan qarashga moslashishni o‘rgatadi.
Targ’ibot ishlari yoki marketing tomonidan e’tborga olinmayotgan yana bir muammo
Do'stlaringiz bilan baham: |
