Китоблар тўпланмаси

баҳодирлар учун эса жанг майдонида бир соатгина Аллоҳ 
душманларига қарши жиҳод қилишлари ҳаж, рўза, закот ва 
турли нафл ибодатлардан афзалроқ.
Шунингдек, суннатни яхши биладиган, ҳалол-ҳаромни 

---

ажратадиган олимнинг халқ орасида юриб, уларга панд-
насиҳат қилиши, билмаган нарсаларини ўргатиши унинг ҳеч 
кимга қўшилмасдан узлатга чекиниш ва вақтини фақат намоз 
ўқишга, Қуръон тиловати ва тасбеҳларга бағишлашидан кўра 
афзалроқдир.  «Уддатус-собирийн, 93-бет». 
* Бакр ибн Абдуллоҳ айтади: 
– Замонамиздаги энг илмли кишини кўришни истаганлар 
Ҳасан Басрийга қарасинлар. Биз ундан илмлироқ одамни 
кўрмадик. Замонамиздаги энг тақводор кишини кўрмоқчи 
бўлганлар Ибн Сийринга қарасинлар. У гуноҳкор бўлишдан 
хавфсираб, ҳатто айрим ҳалол ишларни ҳам қилмай юради. 
Замонамиздаги энг обид инсонни кўрмоқчи бўлганлар Собит 
Баннонийга қарасинлар. Биз ибодатда ундан ўтадиган кишини 
кўрмадик. У энг қаттиқ иссиқ кунларда ҳам рўзадор юрарди. 
Замонамиздаги ѐдлаш хотираси энг ўткир ва эшитган ҳадисини 
сўзма-сўз аниқ айтиб берувчи кишини кўрмоқчи бўлганлар 
Қатодага қарасинлар. Имом Аҳмад, “Зуҳд” китоби.
 
12. Устозлар, жамоатлар ва фикрлар орасида 
кўчиб юриш 
* Умар ибн Абдул Азиз дедилар:
– Кимки ўз динини талашиб-тортишишлар майдонига олиб 
кирмоқчи бўлса, доимо шохдан-шохга кўчиб юради. Охири ўзи 
ҳам чарчаб, ҳамма яхши ишларни тарк этади, ѐки шубҳа ва 
иккиланишлар касалига мубтало бўлади. Фикри, дунѐқараши ва