Klinik laboratoriya tashxisi

Korallsimon tolalar surunkali kasalliklarda aniqlanadi, masalan, kavernoz silda. 
Kurshman spirallari bronxlar obstruktiv kasalliklarida paydo bo‘ladi: bronxial 
astma, obstruktiv bronxit, o‘pka o‘smalari. 
SHarko – Leyden kristallari–eozinofillar parchalanish maxsuloti bo‘lib, 
bronxial astma, o‘pka eozinofil infiltratlari, o‘pka gijjalariga xos. 
Zamburug‘ mitseliysi bronx-o‘pka tizimining zamburug‘li zararlanishida paydo 
bo‘ladi. 
Bakterial flora. Ko‘p miqdorda kokk va batsillalarni aniqlash bakterial 
infeksiyadan dalolat beradi. 

---

65 
6-BOB. JINSIY YO‘L BILAN YUQUVCHI KASALLIKLAR 
LABORATOR DIAGNOSTIKASI 
Jinsiy yo‘l bilan yuquvchi kasalliklar – kasalangan bemordan jinsiy yo‘l orqali 
juftiga yuqadigan kasalliklar guruxidir. Xozirgi vaqtda 30 dan ortiq transmissiv seksual 
kasalliklar ma’lum. Eng ko‘p uchraydigan va xavfli xisoblangan jinsiy yo‘l bilan 
yuquvchi kasalliklar quyidagilardir: 
1.Bakterial kasalliklar: 
− Gonoreya 
− Zaxm
− Xlamidioz 
− Bakterial vaginoz va b. 
2. Sodda xayvonlar – trixomoniaz, xilomastiks 
3. Virusli kasalliklar: 
− Gerpes (oddiy, genital) 
− Sitomegalovirus (5 turi) 
− Papilloma virus infeksiyasi 
− Odam immun tanqislik virusi 
− Gepatit V va S viruslari va b. 
Jinsiy yo‘l bilan yuquvchi kasalliklar er sharidagi eng keng tarqalgan kasalliklar 
guruxidan biridir. Jinsiy yo‘l bilan yuquvchi kasalliklar ko‘proq rivojlanayotgan 
davlatlarda uchraydi. JSTT ma’lumotlariga ko‘ra kuniga bir milliondan ortiq odamlar 
jinsiy yo‘l bilan yuquvchi kasalliklar bilan kasallanadi. Bir yilda 449 milliondan ortiq 
odamlar jinsiy yo‘l bilan yuquvchi kasalliklarni yuqtiradi (zaxm, gonoreya, xlamidioz 
va trixomoniaz). 
Ayrim jinsiy yo‘l bilan yuquvchi kasalliklar belgilarisiz kechadi, birok ayol va 
erkaklarda bepushtlik sababi bo‘ladi.