Klinik va biokimyoviy tekshiruvlarning mohiyati va turlari. Biokimyoviy tahlilda qon ko'rsatgichlari

Referens ko‘rsatkichlari ahamiyati:

	ALT	AST
Erkaklar:	37 gacha Ye/l	40 gacha Ye/l
Ayollar:	31 gacha Ye/l	31 gacha Ye/l

Transaminazalar: Alaninaminotransferaza (AlAT) va Aspartataminotransferaza (AsAT) jigar hujayralari tarkibida bo‘lib, normada qonda ma’lum miqdorda aniqlanadi. Jigarni yallig‘lanishida viruslar gepatotsitlarni parchalab tashlashi natijasida bu fermentlarning ko‘plab miqdorda qonga o‘tishi kuzatiladi. Ularning miqdorini qanchalik ko‘p yoki ozligiga qarab yallig‘lanish jarayonini o‘tkirligi va faolligi aniqlanadi. Masalan ALT miqdori 1-5 baravargacha ortsa – yengil darajadagi, 6-10 barobar ortsa o‘rtacha darajali va 10 barobardan yuqori ko‘tarilsa – yallig‘lanish jarayonining og‘ir darajasi deb baxolanadi. ALT ko‘rsatkichi jigardagi patologik jarayon faolligini aytsa ham, jigar funksiyasini qanchalik buzilganligini ayta olmaydi.
Aminotransferaza faolligini ko‘tarilishi bilan kechadigan kasalliklar va holatlari:

Me’yoridan yuqori siljishi sabablari
5 barobargacha yuqori bo‘lganda:	5-10 barobar yuqori:	10 barobar yuqori bo‘lganda
fiziologik (yangi tug‘ilgan chaqaloqlar); jigarning kasalliklari; pankreatit; gemoliz; alkogoloidlar, salitsilatlar, steroidlar, oral kontraseptivlar, ingibitorlar, opiatlar, sulfanilamidlar, barbituratlar, mis va temir preparatlari, antibiotiklar, piridoksin ,dorivor preparatlar.va b. qabul qilganda	miokard infarkt; jarohat va jarrohlik amaliyotlarida; tayanch-harakat mushaklari kasalliklarida; xolestaz; surunkali gepatit.	o‘tkir gepatit va jigar nekrozi; og‘ir ezilish sindromi; to‘qimalarning og‘ir gipoksiyasi.