Kolloid eritmalarning olinishi

Ish uchun kerakli jihozlar

Oltita 100 ml li konussimon kolba, 20 ml li ikkita pipetka, 0,1 ml ulushlarga bo’lingan 25 ml li ikkita byuretka.

Eritmalar: 0,05 N kaliy yodid, 0,05 N kumush nitrat eritmalari.

1 - tajriba. Konussimon kolbadan 3 ta olib, ularning har biriga KI ning 0,05 N Eritmasidan 20 ml dan quyiladi, so’ngra kolbalarni qattiq chayqatib turib, ularning birinchisiga byuretkaga quyilgan 0,05 N kumush nitrat eritmasidan 16 ml, ikkinchisiga 10 ml va uchinchisiga 20 ml ohistalik bilan qo’shiladi.

2 – tajriba. Oldingi tajriba qaytadan qilib ko’riladi, ammo bunda dastavval kolbalarning har qaysisiga 20 ml dan AgNO₃ eritmasi quyiladi, so’ngra byuretkadan KI ning 0,05 N eritmasidan muvofiq ravishda 16, 18 va 20 ml dan qo’shiladi.

Qaysi kolbada musbat zaryadli va qaysi kolbada manfiy zaryadli zarrachalar hosil qilinganini elektroforez zondi yordamida tekshirib ko’rish mumkin.