Kolloid eritmalarning olinishi

Fe(OH)₃ zolining gidroliz yo’li bilan olinishi

Fe(OH)₃ olish reaksiyasi sxema tarzida quyidagicha yoziladi:

FeCl₃ + 3H₂O ↔ Fe(OH)₃ + 3HCl

Fe(OH)₃ agregatning sirtqi molekulalari HCl bilan kimyoviy reaksiyaga kirishadi:

Fe(OH)₃ + HCl ↔ FeOCl + 2H₂O

FeOCl molekulalari dissosilanib, FeO⁺ + Cl^- ionlar hosil qiladi.

Lipatov qoidasiga muvofiq, o’z tabiati jihatidan yadro tarkibiga o’xshab ketadigan ionlar eritmadan kolloid zarrachalar sirtiga adsorbilanadi. Shu qoidagi asoslanib, temir (III) – gidroksid zoli zarrachasining tuzilishi sxema tarzida quyidagicha yozib ko’rsatilishi mumkin:

mFeOCl ↔ mFeO⁺ + mCl^-

[Fe(OH)₃]_n + mFeO⁺ + mCl^- = {[Fe(OH)₃]_n ∙ mFeO⁺ (m – x)Cl-}^-xCl^-

Ish uchun kerak jihozlar

Uch oyoqli o’choq, asbestlangan sim to’r, gaz gorelkasi, 150 ml li konussimon kolba, tomizg’ich pipetka, temir (III) – xloridning 2% li eritmasi , distillangan suv.

Tajribani bajarish tartibi

100 ml distillangan suv qaynatiladi. So’ngra qaynab turgan suvga FeCl₃ ning 2% li eritmasidan tomchilab 5 – 10 ml qo’shiladi. Natijada tiniq qizil – qo’ng’ir rangli temir (III) – gidroksidning kolloid eritmasi hosil bo’ladi.