Kommunal va mehnat gigiyenasi

Mushaklar kuchi qo’l dinamometri yordamida (qo’l mushaklari kuchi) yoki oyoq dinamometri (orqa kurak atrofi va umurtqa pog’onasi yonidagi mushaklar kuchi) yordamida o’lchanadi.
O’pkaning tiriklik sig’imi spirometr asbobi yordamida aniqlanadi. Buning uchun bolaga spirometrga qanday puflash (to’liq nafas chiqarish) kerakligi haqida yo’l-yo’riq beriladi.
A/B tonometr yordamida, puls tezligi esa - palpator aniqlanadi.
Teri osti yog’- kletchatkasining qalinligi maxsus shtangensirkul yordamida o’lchanib, santimetrlar (sm) da ifodalanadi.
Somatoskopik belgilar tavsiflash orqali ifodalanadi, jinsiy yetilish belgilari esa formla yordamida ifodalanadi. O’g’il bolalar uchun bu formulaga ko’pincha qov va qo’ltiq ostidagi junlarning o’sganlik darajasini (mas., R_o, Ax₁ ko’rinishida, bu demak tekshiriluvchi bolada qov sohasida tuklar hali chiqmagan, qo’ltiq ostida esa, 1 darajali ya’ni bitta-yarimta o’sish bor deganidir). Qiz bolalarning jinsiy rivojlanishini ifodalashda ko’krak bezining rivojlanganligi, menstruatsiya siklining boshlanish vaqti-menarxe qo’shiladi (mas., R₂, Ax₂ Ma₂, Me₁₃ - bu degani, tekshiriluvchi qiz bolada qov va qo’ltiq osti sohasida 2 darajalik rivojlanish, sut bezi ko’krakdan ko’tarilgan, menstruatsiya esa, 13 yoshdan boshlangan demakdir).
Bolalar va o’smirlarning jismoniy rivojlanish ko’rsatkichlarini baholash jismoniy rivojlanish standartlari bilan taqqoslash orqali bajariladi.
Bolalar va o’smirlarning jismoniy rivojlanish standartlari bolalarning jinsi, yoshi, millati va yashash joyiga bog’liq bo’ladi. Shuning uchun jismoniy rivojlanish holati haqida xulosa chiqarish, masalan agar shahar sharoitidagi bola uchun qishloq joylarida yashaydigan bolalarning standartlari bilan taqqoslansa, olingan natija noto’g’ri hisoblanadi. Jismoniy rivojlanish standartlarini tayyorlash uchun tekshirishlar o’tkaziladi, olingan natijalarni matematik ishlovdan o’tkaziladi. Buning uchun tekshirishdan kam deganda har bir jins va yosh, bir xil millat va bir joyda yashaydigan 100 ta bola o’tishi kerak bo’ladi.
Jismoniy rivojlanish standartlarini ishlab chiqish uchun olingan ma’lumotlar statistik ishlovdan o’tkazish usuli va olingan standartlarning qiymatlari yoki regressiya shkalasi, yoki sentil shkalasi, yoki biologik rivojlanish standartlari ko’rinishida rasmiylashtirilishi mumkin.
Jismoniy rivojlanishni shaxsiy tarzda baholash uchta usulda bajarilishi mumkin, ammo ilgari bunday baholashlar 4 usulda amalga oshirilar edi: regressiya shkalasi bo’yicha, kompleks sxema bo’yicha, sentil shkalasi bo’yicha (sigmali og’ish usuli-4-chi usul).