III. Tashkiliy – texnologik qism.
III. 1. Elektr jihozlarni ishlatish va ta’mirlashni tashkil etish.
Sanoat korxonalarida elektr uskunalarni ishlatishni tashkil etish asosan elektr jihozlarga texnik xizmat ko‘rsatish va ta’mirlash tizimi asosida amalga oshiriladi. Bu tizimning mohiyati shundaki, elektr uskunalarni ishini kunlik kuzatishdan tashqari, ularni ma’lum vaqt oralig’ida rejali profilaktik ko‘rikdan o‘tkazish, tekshirish, sinash va turli xil ta’mirlash ishlarini ham o‘z ichiga oladi.
Elektr uskunalardan foydalanish quyidagi struktura sxema (5-rasm) bo‘yicha amalga oshiriladi.
Har bir korxonada elektr jihozlardan samarali foydalanish uchun elektr jihozlar, apparatlar, komplekslovchi va zaxira qismlar ombori bo‘lishi shart.
Bu elektr uskunalarni rejali ta’mirlash va avariya holatlarida tez qayta ishga tushirish vaqtini keskin kamaytirish imkonini beradi. Zaxira omboridan olingan element o‘rniga almashtirilgani qo‘yiladi.
Bunda almashtirilgan element ta’mirlanmaydigan yoki yarog’siz bo‘lgan holda yangisi bilan ombor zaxirasi to‘ldiriladi.
Zaxira omboridagi elektr uskunalar, apparatlar, komplekt va ehtiyot qismlar ro‘yxati hamda soni me’yoriy hujjatlar bilan tasdiqlanishi kerak.
Elektr uskunalarni ishlatish
Saqlash
Foydalanish
Ta’mirlash
Texnik xizmat
ko’rsatish
Foydalanishga
tayyorlash
Ta’mirlashdan keyin sinash
Kuzatish va tekshirish
Profilaktik
tekshirish
5 -rasm: Elektr uskunalarni ishlatish struktura sxemasi.
Do'stlaringiz bilan baham: |