Кompyuter tarmaqlari

TEMA: INTERNET TEXNOLOGIYASI
INTERNETTIN’ WWW XIZMETI.

Joba:

1. 
   
   Kompyuter tramag’ı. Internet.
   
2. 
   
   Web-betlik jratıwda programmalıq ta’miynleniwge qoyılatug’ın talaplar.
   
3. 
   
   Web-betlikti jaratıw etapları.
   

Tayanısh tu’sinikler: WWW, server, klient, Web-betlik, HTTP, Gipertekst,
WWW, 3W yaki Web degenimiz ne? World Wide Web – Vsemirnaya pautina, bizin’ tilde «dunya ju’zlik tor» degendi an’latadı.
WWW – bul gipertekst tiykarındag’ı multimedialıq bo’listirilgen informatsiyalıq sistema. Bul tu’siniklerge anıqlıq kiriteyik.

Bo’listirilgen mag’lıwmatlar sisteması: mag’lıwmat ju’dа ko’p WWW-serverlerde (servers) saqlanadı. Server – bul arnawlı programmalar jazılg’an ha’m Internet tarmag’ına jalg’ang’an kompyuter. Tarmaq paydalanıwshıları bul mag’lıwmatlardı WWW-dokumentlerdi ko’riw mu’mkinshiligin beretug’ın klient dep atalıwshı arnawlı programmalar ja’rdeminde aladı. Onın’ ushın bul programma tarmaq arqalı serverge zapros (talapnama) jiberedi. Bul talapqa juwap retinde server sol mag’lıwmat saqlanıp turg’an fayldı jiberedi yaki bul talaptı orınlay alalmag’anlıg’ın bildiredi. Klient ha’m serverdin’ birge islesiwi protokol dep atalıwshı belgili bir qag’ıydalar arqalı a’melge asırıladı. WWW da qabıllang’an protokol HyperText Transfer Protocol (gipertekst jiberiw protokolı), qısqasha http dep ataladı.
Multimedia: mag’lıwmat tek g’ana tekst emes, ba’lki eki-u’sh o’lshemli grafika, video, sesten ibarat boladı.

Gipertekst: WWW tegi mag’lıwmat saqlawshı ha’r bir xujjet gipertekstli xujjet dep ataladı. Bunday xujjet ishinde sol xujjettegi bir obektke yaki sırtqı (sol yaki basqa serverde jaylasqan) faylg’a silteme beriledi. Bunday siltemeler gipersilteme yaki giperbaylanıs dep ataladı.