Konstruksiyasi va ishlash prinsipi

Uzatmalar qutisi nosozliklarining belgilari va ularni bartaraf 
etish usullari.Uzatmalar qutisining detallari katta yuklanishlarda 
tinimsiz ishqalanib ishlashi natijasida ularning yeyilishiga olib keladi. 
Shuning uchun uzatmalar qutisining ishqalanuvchi yuzalarini o‘z vaqtida 
belgilangan tartibda o‘zining surkov moylari bilan moylab turish zarur. 
Uzatmalar qutisi nosozliklarining kelib chiqishi sabablarini 
o‘rganib chiqadigan bo‘lsak, uzatmalardan-uzatmaga o‘tishda qotib 
qolishi ya’ni bir uzatmadan ikkinchi uzatmaga ravon o‘tmasligi hamda 
yetakchi valdan kelayotgan burovchi moment kuchini yetaklanuvchi 
valga to‘liq yetkaza olmasligi va shunga o‘xshash qator kamchiliklarni 
misol qilsa bo‘ladi. 
Uzatmalar qutisida paydo bo‘lgan qator nosozliklarni bartaraf etish 
uchun ishdan chiqqan va ishga yaroqsiz bo‘lib qolgan shesternyalarni, 
prujinalarni va boshqa ehtiyot qismlarini qayta ta’mirlash yoki 
almashtirish maqsadga muvofiq.
Uzatmalar qutisining barcha detal va qismlarini o‘z vaqtida 
belgilangan tartibda tegishli surkov moylari bilan moylab tursak uning 
detal va qismlarining uzoq vaqt ishlashini ta’minlaymiz. 
Ilashish muftasi nosozliklari belgilari va ularni bartaraf etish 
usullari. Ilashish muftasi pedalining erkin yo‘lini rostlash ishqalanuvchi 
yuzalarining yeyilishi bois kerak bo‘ladi. Yeyilish natijasida podshipnik 
va richaglar orasidagi tirqish, jumladan, ilashish muftasi pedalining erkin 
yurishi ham kamayadi. Agar tirqish yo‘qolsa va richaglar mufta 
podshipnikiga tegib qolsa, u holda disklarni siquvchi kuch va ilashish 
muftasi vositasida uzatilayotgan moment kamayadi, chunki ilashish 
muftasi to‘liq qo‘shilmaydi. Bunday ilashish muftasining yetaklanuvchi 
diski yetakchilarga nisbatan ishqalanadi. Ilashish muftasi ishqalanganda 
avtomobilni ko‘p muddat ishlatish yetaklanuvchi disklarning friksion 
qoplamalarini tez fursatda yeyilishiga, ularni kuchli issiqlik natijasida 
qirilishiga, ilashish muftasini ajratish muftasining podshipnigini erta 
yeyilishiga olib keladi. Tirqish va pedalning erkin yurishi juda ham 
kattalashib ketsa, ilashish muftasi to‘liq ajralmaydi. 

---

Ilashish muftasi pedalining erkin yurishi gidroyuritmada mufta 
podshipnigi va richaglar orasidagi tirqish, bosh silindr porsheni va 
porshen shtoki orasidagi «a» tirqish hamda kompensatsion teshik B ning 
diametriga qarab aniqlanadi. Birinchi tirqishni shtokning erkin yurishiga 
qarab tekshiriladi va uning uzunligini o‘zgartirish bilan rostlanadi. Bu 
tirqish pedal erkin yurishining katta qismini belgilaydi. Ilashish muftasi 
pedalining erkin yurishining kam qismini shtokni uzunligini o‘zgartirish 
bilan rostlanadigan bosh silindr porsheni va shtoki orasidagi tirqish "a" 
belgilaydi. 
GAZ-3102 avtomobilning ilashish muftasi yuritmasidagi vilkani 
shtokga siquvchi prujina shtokni vilkaga siquvchi va bajaruvchi silindrda 
o‘rnatilgan prujina bilan almashtirilgan. Shuning uchun GAZ 3102 
ilashish muftasida mufta podshipnigi va tayanch halqa orasida tirqish 
yo‘q. Ilashish muftasining bunday yuritmasidan foydalanganda rostlash-
ning hojati yo‘q va shtok 8 rostlovchi gaykalarga ega emas.