Корхонанинг молияси ва уни молиявий ахволини бахолаш

Молиявий лизинг - муайян муддатда ижарага берувчининг капитал харакатларини тулик коплашга етарли туловлардан иборат булиб, мулк эгасига бир микдор фойда хам беради.
Оддий лизинг - ижара даврида ижарага олинган мулк кисман амортизацияланади. Лизинг компанияси асбоб-ускуналар сотиб олиб, уларни ижарачи фирмага одатда бир йилдан 10-15 йилгача ижарага беради. Лизингда ижарачининг шартнома муддати тугагандан сунг асбоб-ускуналарни колдик киймат буйича сотиб олиш (бу холда эгалик хукуки янги сохибга утади); янги келишув асосида шартнома муддатини чузиш; моддий бойликларни лизинг компанияларига кайтариш ва бошкалар кузда тутилиши мумкин.
Лизинг операцияларини хисобга олиш. Лизинг шартномалари тугалланмаган битимлар булиб хисобланади ва иккала хамкорнинг балансларида курсатилмайди. Бу дегани, лизинг олувчининг тулайдиган бадаллари уни хисобга мажбурият сифатида кирмайди, ва лизинг берувчи уларни талаб сифатида хисобламайди. Бухгалтерия хисоби меъёрларига биноан лизинг олувчи лизинг бадалларини бухгалтерия китобига жорий харажатлар каби киритади ва бунда у фоиз туловлари ва амортизация ажратмаларини чекламайди. Лизинг шартномаси объекти бухгалтерия китобига лизинг берувчи капитал куйилмаси сингари утказилади ва шунинг учун унинг асосий капитали хисобланади.
Шундай килиб, лизинг берувчи (ижарага берувчи) инвестицион солик имтиёзларидан фойдаланиши мумкин ва оддий амортизацион хисоб китобларини амалга ошириши мумкин.
Лизинг операцияларининг асосий турлари:
Нотулик туловли лизинг - асбоб-ускунанинг бутун жисмоний ишлаш циклидан кичик булган муддатларга имзоланадиган келишув. Лизинг шартномасининг асосий муддати мобайнида асбоб-ускуна тулалигача амортизацияланмайди ва бу муддат тугаши билан, коидага асосан, икки маротаба арендага берилади. Нотулик туловли лизингга мисол булиб, оператив лизинг хизмат килади.
Оператив лизинг - лизинг берувчининг, асбоб-ускунанинг сотув кийматини молиялаштириш билан бирга лизинг олувчига хизмат курсатиш, ремонт килиш ва техник консультация бериш мажбуриятларини олган нотулик туловли лизинг хисобланади.
Охирги йилларда махсуслашган хизмат курсатиш лизинги кенг ёйилди. Бунда лизинг берувчи асбоб-ускунанинг ремонти ва хизмат курсатилишига тулалигича жавобгарликни уз буйнига олади. Лизинг берувчи бунда маълум мулк ёки машина ва асбоб-ускунанинг бир турига ихтисослашади.