Кучли электролитлар назарияси

Мисол. 20⁰С ҳароратда водород ионлариниг концентрацияси 210^-4 моль/л га тенг бўлса, ОН^- ионлари концентрациясини ҳисобланг.
Ечиш: 1. Жадвалдан (маълумотномадан) сувнинг ион кўпайтмасини 20⁰С даги қийматини топиб оламиз: =0,69 ·10^-14·(20⁰С).
2. Гидроксид ионларининг концентрациясини ҳисобланади:


ёки 3,45 · 10^-11 мол/л
Эритманинг муҳитини водород ионларининг концентрацияси билан тавсифлаш қабул қилинган. Нейтрал эритмаларда водород ионларининг концентрациялари гидроксид-ионлари концентрациясига тенг бўлади. Кислотали эритмаларда Н⁺ ионлари концентрацияси ОН^-ионлари концентрациясига нисбатан катта, ишқорий эритмаларда эса камдир:
Нейтрал муҳит [Н⁺]=[ОН^-]=10^-7мол/л
Кислотали муҳит [Н⁺]>10^-7мол/л
Ишқорий муҳит [Н⁺]<10^-7мол/л

Эритмаларнинг кислоталилигини ёки ишқорийлигини манфий ишорали даражадаги кўрсаткичли водород ионлари концентрациялари билан ифодалаш, амалда қулайсиздир. Шунинг учун С.П.Зеренсен сувли эритмалар муҳитини водород кўрсаткич – рН билан тавсифлашни таклиф қилди.

Водород ионларининг концентрациясини манфий ишора билан олинган ўнли логарифми водород кўрсаткич рН деб аталади:

рН=-lg [Н⁺]

Масалан: [Н⁺]=10^-4 бўлганда, рН=-lg[10^-4]=4, агар [Н⁺]=5·10^-10бўлса, рН=lg 5·10^-10=(0,70-10)=9,30 бўлади.

Нейтрал эритмаларда рН=7, кислотали эритмаларда рН<7, ишқорий эритмаларда эса рН>7 бўлиши ўз-ўзидан тушунарлидир.
Водород кўрсаткич билан бир қаторда баъзан гидроксид кўрсаткич рОН ҳам қўлланилади:
рОН=-lg [ОН^-]

Агар [Н⁺]·[ОН^-]=1·10^-14 тенгламаси логарифмласак ва логарифм белгиларини уларнинг тескари ишоралари билан алмаштирсак,

(25⁰С)

келиб чиқади. Бундан ҳар қандай сувли эритмада қуйидаги нисбат тўғри бўлади, деган хулоса келиб чиқади:

рН=рК -рОН=14-рОН

Анализларда, шунингдек кўпчилик кимёвий ишлаб чиқаришларнинг технологик жараёнларида водород ионларининг концентрацияси муҳим аҳамиятга эга. Шу сабабли, аналитикка кўпинча эритмаларнинг рН ни экспериментал аниқлашига ёки назарий ҳисоблашига тўғри келади.