Kurs ishi ona tili o‘qitish metodikasi mavzu. Alifbe darslarida didaktik o‘yinlardan foydalanish

Darslik bilan ishlash:

O‘tgan darsda o‘rganilgan “Do‘stlar” matni va so‘zlar (45-bet) “Zanjir” metodida o‘qitiladi.

O‘tilgan mavzu yuzasidan suhbat.

Suhbat uchun savollar:

• 
  “Sh”dan boshlanar oti,
  

Asal kabi sharbati.

Bilsang nomin ayt, Ali!

-Ha,bilaman-

O‘quvchilar javobi: shaftoli

• 
  Do‘st degani bu….
  

O‘quvchilar javobi: mehrli o‘rtoq, og‘ayni

• 
  “Do‘stlar” matnida kimlar do‘st ekan?
  
• 
  “Do‘st bilan uying obod” hikmatli gapi ma’nosini tushuntiring.
  

Dam olish daqiqasi.

P p harfiga oid qo‘shiq matniga mos harakatli mashq bajartiriladi.(3-ilova)

III. Yangi mavzu ustida ishlash. (12 min)

Harakatli slayd yordamida Pp tovushinngi talaffuzi analitik- sintetik tovush metodi orqali tushuntirish. (4-ilova)

Darslikdagi pilla rasmi yuzasidan suhbat o‘tkaziladi. Suhbat uchun savollar:

-Nima pilla o‘raydi?

(Ipak qurti pilla o‘raydi)

-Pilladan nima olinadi? (Pilladan ipak ipi olinadi, undan matolar to‘qiladi.)

-“Pilla” va “ip” so‘zlarini bo‘g‘inga bo‘ling.(Pil-la, ip)

- Pilla necha bo‘g‘inli so‘z ekan? (2 bo‘g‘inli)

- Birinchi bo‘g‘inni ayting.

- Birinchi bo‘g‘in qaysi tovush bilan boshlangan? (P tovushi bilan)

-p tovushi so‘zni qayerida kelgan?

-p tovushini talaffuzini kuzating. O‘qituvchi talaffuz qiladi, o‘quvchilar nutq organlarining holatini kuzatadilar.

-p tovushining talaffuzida lablar nima qiladi? Havo tashqariga qanday chiqadi?

- p tovushi nimalarning to‘sig‘iga uchrar ekan?

Ip so‘zidagi p tovushi ham shu tarzda tahlil qilinadi va o‘quvchilar javoblari to‘ldirilib umumlashtiriladi.

Pilla, ip so‘zlarini to‘g‘ri talaffuz etish mashq qilinadi. P tovushining talaffuzida ikki lab jipslashadi. Havo shu joydan portlab chiqishidan p tovushi hosil bo‘ldi. Demak, bu tovushning talaffuzida havo og‘izda to‘siqqa uchraydi. Shuning uchun uni cho‘zib aytib bo‘lmaydi. P tovushi undosh tovush, p tovushi so‘zning boshida, o‘rtasida, oxirida keladi. Bir nechta so‘z talaffuz etiladi. O‘quvchilar p tovushli so‘zlarning va p tovushli so‘zni qaysi o‘rinda kelayotganini aytadilar.