Kurs jumíSÍ Kafedra baslıǵı: f m. I d., doc. B. Prenov Ilimiy basshı: p I. f d. K. Nurmaxanov Orınlaǵan: E. Joldasbayeva Nókis 2022 Reje Kirisiw

ÓZBEKSTAN RESPUBLIKASÍ JOQARÍ HÁM ORTA ARNAWLÍ BILIMLENDIRIW MINISTRLIGI

ÁJINIYAZ ATÍNDAǴÍ NÓKIS MÁMLEKETLIK

PEDAGOGIKALÍQ INSTITUTÍ

70110601 – “Anıq hám tábiyiy pánlerdi oqıtıw metodikası”

(matematika) qánigeliginiń 2 – kurs magistrantı

Joldasbaeva Elza Qonısbay qızınıń
Joqarı professional tálimde qánigelik pánlerin oqıtıw metodikası páninen

“Ózbekstanda joqarı tálimdi rawajlandırıwdıń aktual máseleleri” atamasındaǵı

KURS JUMÍSÍ

Kafedra baslıǵı: f.-m.i.d., doc. B. Prenov

Ilimiy basshı: p.i.f.d. K. Nurmaxanov
Orınlaǵan: E. Joldasbayeva
Nókis 2022

Reje
Kirisiw……………………………………………………………………………3
§1. Ózbekstanda joqarı tálimdi rawajlandırıwdıń aktual máseleleri ……….….5
§2. Ózbekstan Respublikası joqarı tálim sistemasın 2030 – jılǵa shekem rawajlandırıw konsepciyası…………………………………………………….10
§3. Ózbekstanda joqarı tálim sisteması barısında ámelge asırılıp atırǵan reformalar hám onı finanslastırıwdıń aktual máseleleri…….. ……………………………16
§4. Ózbekstan joqarı tálim sistemasında kadrlar resursların basqarıw hám rawajlandırıw…………………………………………………………………...20
Juwmaqlaw…………………………………………………………………….23
Paydalanılǵan ádebiyatlar……………………………………………………24

Kirisiw
Búgin Jańa Ózbekstan ómiriniń barlıq tarawları tereń reformalar maydanına aynalǵan. Bul processte social tarawdıń tiykarı esaplanǵan tálim sistemasındaǵı ózgerisler haqqında tolqınlanıp sóylemewdiń ılajı joq. Mámleketimizde sońǵı jıllarda tálim sistemasınıń barlıq basqıshların zamanagóy talaplar tiykarında shólkemlestiriw boyınsha ámeliy jumıslar sheshiwshi basqıshqa kirdi.
Bul kurs jumısında Ózbekstanda joqarı tálim sistemasın rawajlandırıw, xalıqtı joqarı tálim menen qamtıp alıw dárejesin asırıw, joqarı tálim mekemelerin byudjet hám nobyudjet finanslıq derekler esabına finanslıq támiyinlewdiń ámeldegi jaǵdayı, joqarı tálim mekemelerin finanslıq támiyinlewde ámeldegi máseleler hám olardı saplastırıw boyınsha juwmaq hám usınıslar islep shıǵılǵan.
Ǵárezsiz Ózbekstan Respublikasında qáliplesip atırǵan milliy ǵárezsizlik ideyası Respublika Konstituciyasında ilgeri súrilgen insanpárwar, demokratiyalıq, huqıqıy mámleket hám jámiyetti qurıw, sonday-aq, social-ekonomikalıq hám de mádeniy rawajlanıwdıń joqarı basqıshlarına kóteriw, jáhán jámiyetshiligi qatarınan múnásip orın iyelewge baǵdarlandırılǵan iygilikli maqsetlerdi ámelge asırıwǵa xizmet qıladı.
Bul maqsetlerdiń unamlı nátiyjege iye bolıwı eń dáslep jas áwladqa ilimiy bilimler tiykarın puxta úyretiw, olarda keń dúnyaǵa kóz-qaras hám de oy-órisin payda etiw, mánáwiy, ádep-ikramlılıq qásiyetlerin qáliplestiriw barısındaǵı tálim-tárbiyalıq islerdi nátiyjeli shólkemlestiriwge baylanıslı. Solay eken, mámlekettiń jarqın keleshegin jaratıw, onıń atın jáhánge keń en jaydırıw, ullı ata-babalarımız tárepinen jaratılǵan milliy mádeniy miyrastı jámiyetke usınıw, olardı bayıtıw, ǵárezsiz Ózbekstan Respublikasınıń rawajlanǵan mámleketler qatarınan orın iyelewin támiyinlew jas áwladtı kámil insan hám tájiriybeli qániyge qılıp tárbiyalawǵa baylanıslı.
Bul kurs jumısı mámleketimizde joqarı tálim sistemasın rawajlandırıwdıń aktual máselelerine arnaladı.
Kurs jumısı kirisiw bólimi, 4 paragraf, juwmaqlaw hám paydalanılǵan ádebiyatlar diziminen ibarat.
Birinshi paragrafta mámleketimizde joqarı tálimdi rawajlandırıwdıń aktual máseleleri haqqında sóz etiledi. Bilimlendiriw tarawında ámelge asırılıp atırǵan reformalardıń tiykarǵı bólegin, álbette, joqarı tálim sistemasındaǵı reformalar quraydı. Atap aytqanda, Ózbekstan Respublikasında joqarı tálimdi sistemalı reformalawdıń ústin turatuǵın baǵdarların belgilew, ǵárezsiz pikir júritetuǵın joqarı maman kadrlar tayarlaw procesin sapa tárepinen jańa basqıshqa kóteriw, joqarı tálimdi modernizaciyalaw, aldıńǵı tálim texnologiyalarına tiykarlanǵan halda social tarawdıń hám ekonomika tarmaqların rawajlandırıw maqsetinde mámleketimiz basshısınıń 2019 - jıl 8- oktyabr degi pármanı menen tastıyıqlanǵan “Ózbekstan Respublikası joqarı tálim sistemasın 2030-jılǵa shekem rawajlandırıw” Konsepciyası tarawdaǵı jańa reformalar ushın muqaba wazıypasın atqarıp berip atır.
Ekinshi paragrafta Ózbekstan Respublikası joqarı tálim sistemasın 2030 – jılǵa shekem rawajlandırıw konsepciyası haqqında aytıladı. Bul hújjetke intellektuallıq rawajlanıwdı jedellestiriw, básekige shıdamlı kadrlar tayarlaw, ilimiy hám innovciyalıq iskerlikti nátiyjeli shólkemlestiriw hám de xalıq aralıq sheriklikti bekkemlew maqsetinde pán, tálim hám islep shıǵarıw integraciyasın rawajlandırıw sıyaqlı wazıypalar tiykar etip alındı.
Úshinshi hám tórtinshi paragraflarda Ózbekstanda joqarı tálim sisteması barısında ámelge asırılıp atırǵan reformalar hám onı finanslastırıwdıń aktual máseleleri jáne mámleketimizde joqarı tálim sistemasında kadrlar resursların basqarıw hám rawajlandırıw haqqında maǵlıwmat beriledi. Talqılaw processinde joqarı tálim sisteması wákilleri tárepinen aldıńǵı tájiriybeler menen tanısıw, ulıwma qızıǵıwshılıq oyatatuǵın mashqala hám wazıypalardı talqılaw múmkinshiligi berildi.