Kurs jumíSÍ tema: “Jáhansha” dástanınıń leksikası orínlaǵAN: Baxawatdinova. Z 5120100 – Filologiya hám tillerdi oqıtıw (qaraqalpaq filologiyası) 3-kurs studenti qabíllaǵAN: Usenova. Q nókis – 2022 Joba: Kirisiw

Arsha. Kiyim-kenshek Salıp qoyıw ushın aǵashtan islengen qutı¹²
Anasınan gilitti alıp,
Ashıp edi arshanı (238-bet).
Bel. Qazıw hám jerdi islew ushın polattan yamasa temirden islengen qural¹³
Birewi beldi aladı,
Birewi alıp ketpendi,
Bir shetinen saladı
Taba almay dunyanı (254-bet).
Shanash. Eshkiniń terisinen pitew etip un, soq taǵı basqa zatlardı salıw ushın sonday-aq qımız sıyaqlı suyıqlıqlardı quyıwǵa arnalıp islengen ıdıs.¹⁴
Suwdı endi aladi
Tahan turǵan shanashqa (263-bet).
Shıra. Hár qıylı ıdısqa may quyıp, shútikke pilik ótkerip, túnde jaqtı beriw ushın qollanılatuǵın ásbap, qural¹⁵
Shıra edi qozǵalmay,
Turdı pıshıq basında (258-bet).
Ǵalı gilem tóselgen
Ráhát etip qaladı (258-bet).
Qapını bekitip qoyıp,
Bır eki awız sóz benen,
Sálimjanday baladan,
Hal-awhalın soradı (248-bet).
Tósek. Adamlardıń astına tóseytuǵın, jatatuǵın, otırıp dem alatuǵın hár túrli materiallardan islengen zat.¹⁶
Tósek ústinde turıp,
Sálimjannıń astına,
Tezden tósek saladı,
Belawardan dastıq qoyadı
Qonaǵım dep Sálimjanǵa
Mal semizin soyadı

Kiyim-kenshek atamaları
Sáwkele. Haslı taslar, monshaqlar menen bezelgen bas kiyim.¹⁷
Taptı endi zer kóylek,
Sáwkelesin alıptı (253-bet).
Telpek. Bas kiyimniń bir túri, tóbesi domalaq, qoydıń seńseń terisinen jiyeklengen, ıssı bas kiyim¹⁸
Bir sıpırma telpekti
Bunı da tawıp aladı (262-bet).
Ton. Iylengen qoy terisinen, jún jaǵı ishine qaratılıp tigilgen jıllı kiyim, postın ¹⁹
-Áy, dostım, qapa bolma, yar izlep ketseń, astıńa at bereyin ústińe ton bereyin,-dep dostına qarap bir juwap aytadı.