Kuvanova Shahnoza Omonovna nemis tili fanidan mukammal qo‘llanma

Shu sababdan (nima sababdan?) u kelishi shart.
Sabab ravishiga darum, deshalb, deswegen,dazu (shuning uchun,shu sababli),daher kabilar kiradi.
28.9 So‘roq ravishlari
(Frageadverbien)

So‘roq ravishlariga wo,warum,wann,wie,wodurch,wozu kabi so‘zlar kiradi.Ular o‘rin-joy,payt,sabab kabi ma’nolarga nisbatan bo‘lgan munosabatni ifoda etadi.Ergash gapda ular so‘roq so‘zlar yoki yetakchi so‘zlar sifatida qo‘llanadi,masalan:

Ich weiß,warum er das getan hat.
Nima uchun u buni qilganini men bilaman.
Ich sehe, wie er den Kopf dreht.
U boshini qanday burganini men ko‘rdim.


28.10 Ravishlarning darajalari
( Die Steigerungsstufe der Adverbien)

Ayrim ravishlar, sifatlar kabi,darajaga ega bo‘lib bu asosan holat ravishlariga xosdir. Ravish darajalari ham sifat darajalaridek ish harakat belgisining ortiq yoki kamligini bildiradi va sifat darajalaridek qiyosiy darajada –er suffiksini qo‘shish , orttirma darajada –(e) sten suffiksini qo‘shish bilan yasaladi.Orttirma darajada ravish oldidan am yuklamasi ishlatiladi.

Oddiy daraja Qiyosiy daraja Orttirma daraja
schnell (tez) schneller (tezroq) am schnellsten (juda tez)
kalt (sovuq) kälter (sovuqroq) am kältesten (juda sovuq)
schön (chiroyli) schöner (chiroyliroq) am schönsten (juda chiroyli)

Orttirma darajada bir belgi ikkinchi bir belgi bilan qiyos qilinganda , odatda am yuklamasi, qiyos qilinmaganda esa aufs yuklamasi qo‘llanadi. Biroq aufs qo‘llanganda –esten o‘rniga –(e) ste keladi:

am schnellsten aufs schnellste
am kältesten aufs kälteste
am schönsten aufs schönste
Ayrim ravishlar orttirma darajada yuklamasiz ham qo‘llanadi: meist, höchst, möglichst, wenigstens, mindestens, strengstens, spätestens.
Quyidagi ravishlarning daraja shakllari suppletiv yo‘l bilan yasaladi: