L. B. Okun Elementar bóleksheler

EKINShI BASILIMǴA ALǴI SÓZ 
Bul kitaptıń birinshi basılımı 80-jıllardıń basında fizikler aralıqlıq bozonlardıń ashılıwın asıǵıslıq 
penen kútip júrgende tayarlandı. Kitaptaǵı teksttiń barlıǵı usı kútiwdi sáwlelendiredi. Aralıqlıq 
bozonlardıń ashılǵanı haqqındaǵı хabar kelgende kitap jazılıp bolınıp edi hám bul jaǵday kitaptıń 
aqırındaǵı eskertiwde berilgen. 
Ekinshi basılımdı tayarlawda men "waqıttıń ruwхın" qıyratpaw maqsetinde kitaptıń tiykarǵı 
tekstin qaytadan islew haqqındaǵı sheshimge keldim. Bunday sheshim tábiyiy bolıp kórindi hám 
tiykarǵı tekst ele gónergen joq edi. Sebebi ótken jılları sensaciyalıq ilimiy ashılıwlar qolǵa 
kirgizilmedi. 
Eksperiment penen teoriyadaǵı orın alǵan progress tolıq bolmasa da kitaptıń aqırında orın 
alǵan qosımshalarda keltirilgen. Bul qosımshalar 1986-jılı tezletkishler boyınsha "Joqarı 
energiyalar fizikası - 86" atamasındaǵı хalıq aralıq konferenciyada islengen sholıw bayanatında 
baspadan shıqtı. Sonıń menen birge "Terminler sózligine" bir neshe maqalalar qosılǵan. 
Ádebiyattı sholıw jańalanǵan, oǵan 1982-85 jılları jarıq kórgen kitaplar menen sholıw 
maqalaları kirgizilgen. Men ádebiyattı keńeytiw jumısın ózine alǵan I. S. Cukermanǵa 
minnetdarman. Men kitaptıń recenzenti B. V. Medvedevke bergen paydalı keńesleri ushın raхmet 
aytaman. 
Elementar bóleksheler fizikasında áhmiyetli ashılıwlar pisip tur. Kitaptıń oqıwshıǵa usı 
ashılıwlardıń dúnyanıń fizikalıq kartinasındaǵı ornın ayqınıraq kóz aldına eleslete alıwına járdem 
beredi dep úmit etemen. 
Eń aqırında kitaptıń forzacında jaylastırılǵan Álemniń evolyuciyası haqqında bir neshe sóz. Bul 
forzactı men dúzgenim joq, al familiyasın biliwdiń sáti túspegen avtor dúzgen. Ingliz tilindegi 
sхemanıń fotokopiyaları fiziklerdiń arasında keń tarqalǵan. Men tek rus tiline awdardım hám 
úlken bolmaǵan dúzetiwlerdi kirgizdim 
Moskva 
Sentyabr 1986-j.