Labaratoriya ishi-3-4 d-elementlar. 6- guruh elementlari. Uning birikmalari va xossalarini o’rganish

Labaratoriya ishi-3-4
d-elementlar. 6- guruh elementlari. Uning birikmalari va xossalarini o’rganish.


Tajriba 1 Xrom oksidining olinishi Chinni tigelga 2-3 g miqdorida ammoniy bixromat (NH₄)₂Cr₂O₇ tuzidan solib, ohistalik bilan qizdiring. Ammoniy bixromatning termik parchalanishi natijasida Cr₂O₃ va erkin azot hosil bo’ladi. Reaksiya tenglamasini yozing.
Tajriba 2 Xrom gidroksidining olinishi Probirkaga xrom (III) sulfat eritmasidan quying, ustiga tomchilab ishqor eritmasidan qo’shing. Nima kuzatiladi? Hosil bo’lgan kulrang yashil cho’kmani ikkiga bo’lib, biriga kislota eritmasi va ikkinchisiga esa ishqor eritmasidan mulroq qo’shing. Xrom (III) gidroksidining amfoterligi haqida tushuncha bering. Sodir bo’lgan barcha reaksiyalar tenglamalarini yozing.
Tajriba 3 Xrom (III) tuzlarida rang o’zgarishiga haroratning ta’siri. Probirkaga 1 ml xrom sulfat eritmasidan solib, uning rangini yozib quying. So’ngra eritmani plitkada qizdiring. Eritma rangining o’zgarishiga e’tibor bering va rang o’zgarishi haqida tushuntiring.
Tajriba 4 Xromat ionining dixromat ioniga aylanishi. bixromat ionining xromat ioniga utishi. a) Probirkaga kaliy xromat eritmasidan ozgina olib, uning ustiga 2 n sulfat kislota eritmasidan quying. Sariq-xromat ionining qizgish sariq dixromat ioniga o’tishini kuzating. Reaksiya tenglamasini yozing.
b) Probirkaga kaliy bixromat eritmasidan ozrok solib uning ustiga 2 n uyuvchi natriy eritmasidan ozgina qo’shing, qizgish-sariq dixromat ionining sariq xromat ioniga o’tishini kuzating. Reaksiya tenglamasini yozing.
Tajriba 5 Olti valentli xrom birikmalarining oksidlovchi xossalari
a) Probirkaga 2 -3 ml kaliy bixromat eritmasidan quyib, ozroq (3-5 tomchi) sulfat kislota hamda 2-3 ml natriy sulfit Na₂SO₃ eritmasidan qo’shing. Reaksiyada SO₃^-2 ionlari oksidlanib SO₄^2- ionlariga aylanadi. Elektron tenglamalarini yozing.
b) Probirkaga 2-3 ml kaliy bixromat eritmasidan quying, ozroq natriy nitrit eritmasidan qo’shing. Eritmani qizdiring. Eritmaning rangini o’zgarishini kuzating. Reaksiyaning tenglamasini yozing.
v) Probirkaga K₂Cr₂O₇ eritmasidan soling va 4-5 tomchi H₂SO₄ hamda 3-4 ml ammoniy sulfit yoki natriy sulfit eritmasidan soling. Nima kuzatiladi? Reaksiya tenglamasini yozing.