Laboratoriyalar to`plami

7-laboratoriya ishi


To‘g‘ri yo‘nalishlarda – ichki qatnovlarda tarif masofalarini aniqlash


Laboratoriya ishini bajarishdan maqsad: Talabalarga to‘g‘ri yo‘nalishlarda – ichki qatnovlarda tarif masofalarini aniqlashni o‘rgatish, bilim va ko‘nikmalarini shakllantirish.
Tarif masofalarini aniqlash uchun, uchta (1, 2 va 3) kitobdan iborat bo‘lgan №4 Tarif qo‘llanma [2], [3] va [4] laridan foydalaniladi.
Agar jo‘natuvchi va tayinlangan stansiyalar “O‘zbekiston temir yo‘llari” AJning boshqa-boshqa uchastkalarida joylashgan bo‘lib va shu uchastkalar orasida bir yoki bir nechta tranzit uchastkalar bo‘lsa (7.1-rasm), u holda jo‘natuvchi stansiyadan va tayinlangan stansiyagacha bo‘lgan tarif masofa (ℓ_df) jo‘natuvchi stansiyadan harakat yo‘nalishidagi birinchi tranzit punktgacha (ℓ_dB), birinchi va oxirgi tranzit punktlar orasidagi (ℓ_BM) va harakat yo‘nalishidagi oxirgi tranzit punktdan tayinlangan stansiyagacha (ℓ_Mf) bo‘lgan masofalarni qo‘shish orqali hisoblanadi.

ℓ_df = ℓ_dB + ℓ_BM + ℓ_Mf , km

7.1-rasm. Temir yo‘llarda tarif masofasini aniqlash chizmasi

bu yerda A, B, ....., M va N – tranzit punkt (uzel stansiya) lar;

d – jo‘natuvchi stansiya;
f - tayinlangan stansiya;
AB – jo‘natuvchi (stansiya joylashgan) uchastka;
B ......... M – tranzit uchastkalar;
MN – tayinlangan (stansiya joylashgan) uchastka;
B – jo‘natuvchi (stansiya joylashgan) uchastkadan chiquvchi tranzit punkt;
M – tayinlangan (stansiya joylashgan) uchastkaga kiruvchi tranzit punkt;

Jo‘natuvchi (stansiya joylashgan) uchastkadan chiquvchi tranzit punktni va tayinlangan (stansiya joylashgan) uchastkaga kiruvchi tranzit punktni belgilab olish uchun temir yo‘l tarmoq xaritasidan foydalaniladi. Temir yo‘l xaritasi bo‘lmasa chiquvchi va kiruvchi tranzit punktlarni aniqlash uchun ular orasidagi masofalarni ketma -ket 4 marotaba aniqlanadi (3-kitob [4], tranzit punktlar orasidagi tarif masofalar) va eng kam masofaga ega bo‘lgani chiquvchi tranzit punkti va kiruvchi tranzit punkti deb qabul qilinadi.