Lekciya №11. Ximiyanı oqıtıwda máselelerden paydalanıw Reje

Lekciya № 11. Ximiyanı oqıtıwda máselelerden paydalanıw


Reje:

1. Ximiya boyınsha sıpatqa tiyisli máseleler.

2. Ximiya boyınsha esaplawlarǵa tiyisli máseleler.
3. Zat quramındaǵı elementlerdiń massalıq úleslerin procentte anıqlaw.
4. Ximiyada máseleler sheshiwge qoyılatuǵın metodikalıq talaplar.


Tayanısh sózler: ximiya boyınsha sıpatqa tiyisli máseleler, esaplawlarǵa tiyisli máseleler, zat quramındaǵı elementlerdiń massalıq úleslerin procentte anıqlaw, máseleler sheshiwge qoyılatuǵın metodikalıq talaplar.

Ximiyadan máseleler sheshiwdiń tálimiy áxmiyeti sonnan ibarat, oqıwshılar máseleler sheshiw processinde zat ham processler xaqkındaǵı ximiyalıq bilimleri bekkemlenedi. Ximiyalıq processlerdiń júriwi, ondaǵı sebepler (temperatura, basım, katalizator h.t.b.) dıń áxmiyeti xaqkındaǵı bilimleri artıp baradı.

Ximiyalıq máseleler sheshiw oqıtıwdı islep shıǵarıw menen baylanıstıradı, miynet tárbiyasınıń kónikpelerin payda etedi, qanigelikti iyelewge baǵdarlaydı, matematika, fizika, biologiya, geologiya hám basqa pánler menen tıǵız baylanıs bar ekenligin kórsetedi. Maqsetke umtılıw ózgesheligin formalastıradı.
Másele sheshiwdiń rawajlandırıwshı áhmiyeti joqarı bolıp, ol oqıwshılardıń ximiyalıq bilimlerdi formalastıradı hám rawajlandıradı, bilimdegi formalizmdi joq etedi, erkin pikirlewge úyretedi. Ximiyadan máseleler sheshiw processinde mashqalalı oqıtıwdı ámelge asırıw múmkin. Metodologiyalıq kóz qarasınan qaralǵanda, bul jaǵdayda abstrakt oylawdan ámeliyatqa ótiw támiyinlenedi. Máseleler sheshiw ximiyanı oqıtıwdıń tiykarǵı qurallarınan biri bolıp, ol bilimlerdi bekkem ózlestiriliwin támiyinleydi. Ximiyalıq máseleler sıpat hám esaplawǵa tiyisli klasslarǵa bólinedi.