Лекция Геологик-қидирув ишларини ўтказишнинг хусусиятлари

ОБЕКТЛАР БЎЙИЧА ГЕОЛОГИК ВАЗИФАЛАР:
Давлат геологик корхонаси бўйича:
Кўрсатилган хар бир даражаларнинг (давлат корхоналари, илмий-ишлаб чиқариш марказлари, илмий тадқиқот институтлари ва бошқ.) обектлар бўйича геологик вазифалари ўзаро, унда ифодаланган кўрсатгичларни аниқлик даражаси билан фарқланади.
Давлат геологик корхоналарининг обектлар бўйича геологик вазифаларда фақат қидириш объектлари ва ўта мухим баҳолаш объектлари, ҳамда илмий-тадқиқот ишларини алохида йўналишлари (мавзулари) кўрсатилади. Объектлар ишларнинг турлари ва босқичлар бўйича бирлаштирилади.
Экспедицияларнинг ҳамда илмий-тадқиқот институтларининг обектлар бўйича геологик вазифасида геологик-қидирув ишларининг барча объектлари акс эттирилади. Улар ўзига хос давлат геологик корхонанинг, ташкилотнинг ёки институтнинг раҳбарияти томонидан тасдиқланади.
Обектлар бўйича геологик вазифада геологик-қидирув ишларининг объектларидан ташқари, геологик-қидирув ишларини ўтказишларни таъминлаш учун базавий поселкаларни ободонлаштириш, асосий воситаларни капитал таъмирлаш билан боғлиқ, маблағ эхтиёжлари ҳам кўрсатилади.
Давлат геологик корхоналарининг ва ташкилотларнинг обектлар бўйича геологик вазифаларида умумий иш ҳажмларидан (маблағ кўринишида) қуйидагилар учун йириклаштирилган тахминий сарф-харажатлар кўрсатилади:
- геофизик ишлар;
- мавзувий ва тажриба-услубий ишлар;
- тажриба-конструкторлик ишлари;
- ишлаб чиқариш-техник ёки илмий-техник маълумотлар;
- нашр этиш ишлари.