Lektsiya №13

Formalar jaratıw.
Forma – bul mag’lıwmatlardı kiritiw ushın maydanlarg’a iye bolg’an ataron blankalar bolıp tabıladı. To’mendegi formalardı jaratıwdın’ tu’rli usılları menen tanısıp shıg’amız.
Paydalanıwshı formanı o’zi g’a’rezsiz jaratıwı yaki Forma bo’liminen paydalanıwı mu’mkin.
Forma masteri tiykarg’I islerdi avtomatik orınlang’anı ushın forma jaratıw protsesi tezlesedi. Onda paydalang’anda MICROSOFT ACCESS formasın jaratıw ushın tiykar bolatug’ın mag’lıwmatlardı kiritiwdi soraydı. Formanı sazlaw ushın «Konstruktor» rejimine o’tip alıwı kerek.
Bir usıldan ibarat a’piwayı forma jaratıw ushın «Novıy ob`ekt» (Jan’a ob`ekt) tu’ymesi isletiledi.
«Avtoforma» (Avtoforma) ja’rdeminde forma jaratıw.
Avtoforma tan’lap alıng’an keste yaki sorawdın’ barlıq maydanshaları ha’m jazıwları sa’wlelengen formanı jaratadı. Ha’r bir maydan o’z aldına qatarda jaylasadı. Onın’ shep ta’repinde maydang’a tiyisli jazıw sa’wlelengen.
Avtoforma ja’rdeminde forma jaratıw ushın to’mendegilerdi orınlaw kerek
1. MB aynasında «Tablitsı» (Kesteler) yaki «Zaprosı» (Sorawlar) bo’limin tan’law.
2. Forma jaratıwg’a tiykar bolatug’ın keste yaki sorawdı tan’law yaki olardı ıxtıyarıy halda ashıw.
3. «Novıy ob`ekt» (Jan’a ob`ekt) tu’ymeshesi basıw ha’m «Avtoforma»(Avtoforma) elementin tan’law.
Forma masteri ja’rdeminde forma jaratıw.
1. MB aynasında «Formı» (Formalar) bo’limin tan’law
2. «Sozdat`» (Jaratıw) tu’ymesin basıw
3. «Novaya forma» (Jan’a forma) baylanıs aynasında kerekli masterdi tan’law. Ustanın’ qanday wazıypanı orınlawı aynanın’ shep bo’liminde payda boladı.
4. Forma jaratıw ushın tiykar bolatug’ın mag’lıwmatlardı o’z ishine alg’an keste yaki sorawdı tan’law.
5. OK tu’ymesin basıw
6. Eger 3 – qa’demde «Master form» (Formalar ustası), «Diagramma» yaki «Svodnaya tablitsa» (Ulıwma keste) tan’lang’an bolsa, formanı jaratıwda tiyisli baylanıs aynalarında shaqırılatug’ın ko’rsetpelerge a’mel qılıw za’ru’r.
«Avtoforma v stolbets» (Avto form bag’analı) «Avtoforma lentochnaya» (Avto form lentalı) yaki «Avtoforma tablichnaya» (Avto forma kesteli) elementleri tan’lang’anda forma avtomatik tu’rde jaratıladı.
Jaratılg’an formanı «Konstruktor» rejiminde o’zgertiw mu’mkin.
Shakl u’stinde ja’rdemsiz forma jaratıw
1. MB aynası «Formı» (Formalar) bo’limin tan’law
2. «Sozdat`» (Jaratıw) tu’ymesin basıw
3. «Novaya forma» (Jan’a forma) baylanıs aynasında «Konstruktor» bo’limin tan’law
4. Forma jaratıw ushın tiykar bolatug’ın mag’lıwmatlardı o’z ishine alg’an kesteler ha’m sorawnamalar atın tan’law.