Lektsiya №13

6. Jaratılg’a MB menen islew.
MB menen islew degende to’mendegi imkaniyatlar na’zerge tutıladı:
-kerekli mag’lıwmatlardı izlew;
-mag’lıwmatlardı saqlaw;
-mag’lıwmatlardı tan’lap alıw;
-baspadan shıg’arıw;
-mag’lıwmatlardı o’zgertiriw ha’m toldırıw.
MB jaratıw basqıshları ha’m onda islew printsipleri menen to’mende Microsoft Access MBBS mısalında tanısıp shıg’amız.
MBBS menen islegende ekranda jumısshı maydan ha’m basqarıw paneli shaqırıladı. Basqarıw paneli menyu, ja’rdemshi basg’arıw oblastı ha’m ja’rdem beriw qatarın o’z ishine aladı. Olardın’ ekranda jaylasıwı tu’rlishe bolıp, konkret programma qa’siyetlerine baylanıslı. Ayırım MBBSlar ekranda direktivalar aynasın (buyrıqlar aynasın) yamasa buyrıqlar qatarın shıg’arıw imkaniyatına ha’m iye.
MBBSnın’ a’hmiyetli qa’siyeti – ayırım a’mellerdi orınlaw ushın aralıq saqlaw buferlarınan paydalanıwında. Almasıw buferi nusqalaw yamasa ko’shiriw a’mellerin orınlag’anda nusqa alıpatırg’anda yamasa ko’shiripatırg’anda mag’lıwmatlardı waqtınsha saqlap turıw ushın isletedi. Mag’lıwmatlar joq qılıng’annan son’ ha’m olar buferge jaylastırıladı ha’m jan’a mag’lıwmatlar bo’limi jazılg’ang’a shekem sol jerde saqlanıp turadı
MBBS programması jetkilikli sandag’I buyrıqlarg’a iye bolıp, olardın’ ha’r birinde tu’rli parametrler (optsiyalar) bolıwı. Buyrıqlardın’ bunday sisteması qosımsha optsiyaları menen birgelikte MBBSnın’ ha’r bir tu’ri ushın o’zine sa’ykes menyuı boladı. Menyudan bir buyrıqtı tan’law to’mendegi eki usıldan biri arqalı a’melge asırılıwı mumkin:
-Kursordı basqarıw tu’ymeleri ja’rdeminde tan’lang’an buyrıq u’stine alıp barıw ha’m ENTER tu’ymesin basıw.
-tan’lang’an buyrıqtın’ birinshi ha’ribin klaviaturadan kiritiw.
MBBSlarının’ o’zine sa’ykes qa’siyetlerine qaramastan, paydalanıwshı qa’legen beriletug’ın buyrıqlar toplamın to’mendegi toparlarg’a boliwi mumkin:
-fayllar menen islew burıqları;
-redaktorlew buyrıqları;
-bichimlash buyruqlari;
-aynalar menen islew buyrıqları;
-MBBSnın’ tiykarg’I jag’daylarında (talitsa, shakl, esabat, soraw) islew buyrıqları;
-qosımsha mag’lıwmat alıw buyrıqları.
MBBS menen islewde to’mendegi ulıwmalasqan texnologiya tiykarında alıp barıw mumkin.