Lektsiya №8

«Pusk» tu’ymesi Bas menyudi ko’setedi. Menyudan qosi’mshalar ha’m hujjetlerge mu’rajat etiledi. «Pusk» tu’ymesi basi’lg’anda, Bas menyudin’ to’mendegi ko’rinisi payda boladi’. Bas menyudegi Operatsiyalar (bo’limler, arnawli’ a’meliy programmalar) to’mendegi wazi’ypalardi’ ori’nlaydi’:
«Sozdat` dokument Microsoft Offise» operatsiyasi’ — Offise qosi’mshalari’nda jan’a hu’jjet jaratadi’;
«Otkrıt` dokument Microsoft Offise» operatsiyasi’ — Offise qosi’mshalari’nda jaratilg’an ha’m yadta bar bolg’an hu’jjetlerdi ashi’p beredi.
«Programmı» operatsiyasi’ kompyuterge ornati’lg’ana’meliy programmalar menyuin ko’rsetedi. Usi’ menyude paydalani’wshi’lar ta’repinen isletiletug’i’n programmalar dizimi, «Provodnik» ha’mde «Seans MS-DOS» sistemalari’ bar. Mi’sh ko’rsetkishin usi’ operatsiya boyi’nsha ha’reketlendirgenin’izde ekranda ja’ne bir dizim payda boladi’. Bul programmalar blogi’ni’n’ dizimi. Siz qa’legen blokti’ tan’lag’ani’n’i’zda oni’n’ ishinde jaylasti’ri’lg’an programmalar dizimi payda boladi’ ha’m mi’shti’ olardan birinin’ u’stinde bassan’i’z, usi’ programma iske tu’sip ketedi. Sol waqi’tta ma’seleler panelinde tuwri’ to’rtmu’yeshli tu’ymeshe (ayna) payda boladi’ ha’m ol usi’ programma ori’nlani’p ati’rg’ani’n an’latadi’. Tu’ymesheni aktivlestiriw ushi’n mi’sh ma’lim to’rtmu’yesh u’stinde basi’ladi’.
«Dokumentı»operatsiyasi’ paydalani’wshi’lar ta’repinen isletilgen aqi’rgi’ hu’jjet dizimlerin ko’rsetedi.Dizimdegi hu’jjetlerdi ashi’w ushi’n mi’sh ko’rsetkishi usi’ hu’jjet ati’ u’stinde bosi’ladi’. Dizimdi kompyuter yadi’nan o’shiriw ushi’n «Nastroyka»operatsiyasi’n aktivlestirin’ ha’m «Panel` zadach» bo’limin tan’lap, u’stinde mi’shti’n’ shep tu’ymesin bir marte basi’n’. Payda bolg’an aynani’n’ «Dokumentı» bo’liminde «Ochistit`» tu’ymesi bar.
«Panel` upravleniya» (Basqari’w paneli) bo’liminde ba’zi’ quri’lmalardi’n’ imkaniyatlari’, a’sirese, parametrlerin Siz jeke talaplari’n’i’zg’a mas ra’wishte o’zgertiwin’iz mu’mkin.Ma’selen, usi’ bo’lim ja’rdeminde mi’shti’n’, klaviaturanin’ parametrin o’zgertiw mu’mkin.