Логистика

darajasiga erishish uchun logistika tizimlarining ishlashi: 
▪ ishonchlilik darajasi-logistika tizimining yetkazib berish muddatlariga 
rioya qilish, narxning xavfsizligi va maqbulligini ta’minlash 
ko‘rsatkichlari asosida moddiy oqim harakatini ta’minlash qobiliyati 
sifatida;
▪ funksionallik-berilgan sharoitlarda yoki mavjud bo‘lgan omillarda 
uzluksiz ishlashni ta’minlash imkoniyati sifatida;
▪  mavjudligi-mijozlarning moddiy resurslarga bo‘lgan ehtiyojlarini 
hamma uchun bir xil darajada ta’minlash qobiliyati sifatida. 
Uchta asosiy ko‘rsatkich ham yaxlitlikning ajralmas qismi bo‘lib, birgalikda 
faoliyat yuritib, jahon darajasida logistika xizmati talablarini qondirishga qodir. 
AQSh logistika tizimida transportning 4 turi mavjud: havo, temir yo‘l, dengiz, 
avtotransport. 2021-yilda mamlakat tomonidan eksport qilinadigan bug‘doy hajmlari 
tarkibi quyidagi yo‘nalishlarda taqsimlandi::
Tinch okeanining shimoli-G‘arbiy qismi eksport qilinadigan hajmning 36%; 
Meksika ko‘rfazi zonasi (Texas shtati) 27 %; Meksika ko‘rfazi, Missisipi shtati 29 %. 
Shuni ta’kidlash kerakki, AQShda yuk tashish hajmi mamlakat ichki yalpi 
mahsulotining 8,5 foizini tashkil etadi (taqqoslash uchun: Irlandiyada YaIMning 14,2 
foizi, Singapurda 13,9 foizi, Gonkongda 13,7 foizi, Germaniyada 13,0 foizi).
AQSh, Yaponiya, Buyuk Britaniya, Frantsiya va Germaniya kabi yetakchi 
xorijiy mamlakatlarning yalpi milliy mahsulotining 25-30 foizi tovar, moddiy, 
moliyaviy va axborot oqimlarini boshqarishning logistika tizimlari bilan bog‘liq. 
Transport va logistika tizimlarining yuqori darajada rivojlanishi bilan ajralib 
turadigan Yevropa mamlakatlaridan biri bu Germaniya bo‘lib, uning transport 
kompleksi shartli ravishda tugun va terminalga bo‘linib, mamlakatga yuk oqimlarini 
taqsimlashning eng yirik markazi sifatida ishlashga imkon beradi. Xususan, Fridevald 
uzelining geografik joylashuvi mamlakatning tashqi va ichki transport oqimlarini 
yagona boshqariladigan tizimga birlashtirish imkoniyatini beradi, bu esa logistika 
xizmatlari va logistika faoliyati sohalarining samaradorligini oshirishga yordam beradi. 
Gollandiyaning tajribasi ham bir xil darajada muhimdir, bu yerda logistika 
yuqori darajada rivojlangan faoliyat sohalaridan biri bo‘lib, Yevropadagi eng yaxshilar 
qatoriga kiradi. Mamlakatning Shimoliy dengiz sohilida joylashganligi, jihozlangan 
portlar mavjudligi sababli Niderlandiya Yevropaga transport "Oynasi" hisoblanadi. 
Gollandiyada turli xil logistika xizmatlarini ko‘rsatadigan kompaniyalar soni 
dunyodagi eng yuqori ko‘rsatkichlardan biri bo‘lib, hozirda 12000 dan oshadi. 
Yevropada logistika tizimlariga a’zo mamlakatlarning ulushi quyidagicha 
taqsimlanadi: barcha transport hajmining 40% gacha Germaniya xizmat qiladi;