Лойиҳа матни 67027-(69933)

Имзо:

---

project.gov.uz
22.10.2022
34
Вазирлар Маҳкамасининг
2022 йил «___» _______даги ___-сон
қарорига
2-ИЛОВА
Қишлоқ хўжалиги, мелиорация ва йўл-қурилиш техникаларини вақтинчалик рўйхатдан
ўтказиш бўйича давлат хизматини кўрсатишнинг
МАЪМУРИЙ РЕГЛАМЕНТИ
1-боб. Умумий қоидалар
1. Мазкур Регламент жисмоний ва юридик шахсларга (кейинги ўринларда техника эгаси
деб аталади) қишлоқ хўжалиги, мелиорация ва йўл-қурилиш техникалари ҳамда ўзиюрар
машиналарнинг (кейинги ўринларда техника  деб аталади) вақтинчалик рўйхатдан ўтказиш
бўйича давлат хизматларини кўрсатиш тартибини белгилайди.
2. Мулкчилик шаклидан қатъий назар техникаларни вақтинчалик рўйхатдан ўтказиш
Ўзбекистон Республикаси Вазирлар Маҳкамаси ҳузуридаги Агросаноат мажмуи устидан назорат
қилиш инспекцияси томонидан мазкур Регламентга мувофиқ амалга оширилади.
3. Ушбу Регламентда қуйидаги асосий тушунчалардан фойдаланилади:
техниканинг эгаси – техника воситасига мулк ҳуқуқи ёки бошқа ашёвий ҳуқуқлар
асосида эгалик қилувчи юридик ёки жисмоний шахс;
вақтинчалик техник паспорт – мазкур Регламентга
1-иловадаги
белгиланган намунада техникани вақтинчалик рўйхатдан ўтказишни ҳисобга олиш
учун махсус рақамланган ва пластик шаклда тайёрланган ҳужжат;
вақтинчалик техник гувоҳнома - мазкур Регламентга 
2-иловадаги
белгиланган намунада техник паспорт берилмайдиган техника, жиҳоз ва асбоб-
ускуналарни вақтинчалик рўйхатдан ўтказишни ҳисобга олиш учун махсус рақамланган ва
пластик шаклда тайёрланган ҳужжат;
давлат рақами белгиси (кейинги ўринларда ДРБ деб аталади) — мазкур Регламентга 
3-
иловада 
белгиланган намунада техникани вақтинчалик рўйхатдан ўтказишни ҳисобга олиш учун
ҳудудий кодлар ва давлат рақамлари белгиларининг типларига мувофиқ бериладиган махсус
рақамли белги;