Loyiha O‘zbekiston respublikasi adliya vazirligi toshkent davlat yuridik universiteti
Download 4.6 Mb. Pdf ko'rish
|
- Bu sahifa navigatsiya:
- Ikkinchi guruhga
- Uchinchi guruhga
- Kazuslar: 1-kazus
- 29-bob. MEHNAT XAVFSIZLIGI QOIDALARINI JINOIY TARZDA BUZILISHINI TERGOV QILISH
- Esda tuting!
- E’tibor qarating!
- Jinoyat ishini qo‘zg‘atish va dastlabki tergov bosqichi
|
Birinchi guruhga uni odam savdosi sohasiga jalb etish amalga oshirilgan holatlar (o‘g‘irlash yoki yollash) kiradi. Ular jumlasiga quyidagilar kiradi: 1) uni yollashni amalga oshirgan shaxs bilan qaerda, qachon, qanday vaziyatda va kimning vositachiligida tanishgan;2) agarda yollovchilarga ommaviy axborot vositalarida, Internet global tarmog‘ida joylashtirilgan reklama e’loni orqali chiqqan bo‘lsa, mazkur e’lon qaysi nashrda, qaysi saytda berilganligi, uning mazmuni, yollovchilarning telefon raqami va manzili, unda bosma nashr saqlanib qolganligi; 3) yollash faoliyatida nechta kishi qatnashganligi, ularning telefon raqamlari, har bir yollovchi tomonidan amalga oshirilgan aniq harakatlar, ularning bir-biri bilan qanday aloqa qilganligi, ularning ismlari, tashqi qiyofasi, alohida belgilari, taxminiy yoshi, millati, irqi. U ularni taniy oladimi, taniy olsa, qaysi belgilariga qarab taniy oladi; 4) yollashga daxldor bo‘lgan tashkilotning yuridik va faktik manzili, aniq nomlanishi, ish telefoni, yollash amalga oshirilgan binoning sharoitlari tavsifi; 5) yollash jarayonida uni adashtirishga, mulkiy, ruhiy yoki boshqacha qaramlik ahvoliga solib qo‘yishga qaratilgan biror-bir ta’sir choralari qo‘llanilganmi: qarz tilxati, hujjatlarni rasmiylashtirishni taklif etish va tashishni uning kelgusida oladigan daromadlari hisobidan amalga
oshirish, shaxsiy
do‘stona, ishqiy
munosabatlarni sahnalashtirish, nikohga kirishga va’da berish, giyohvand qaramlik holatiga tushirib qo‘yish, ichimligiga psixotrop moddalar qo‘shilgan bo‘lishi ehtimoli va b.q.;6) yollash suhbati jarayonida biron-bir ishontirish yoki ruhiy ta’sir ko‘rsatish usullari – ko‘ndirish, gipnoz, tahdid qilish, tovlmachilik qo‘llanildimi; 7) ishga joylashtirishni amalga 425
oshirayotgan shaxslar yoki ish beruvchilar bilan biror-bir yozma kelishuvlar imzolandimi, agar imzolangan bo‘lsa, qachon va qaerda, unda mehnat faoliyatining aniq turlari, mehnat sharoitlari, haq to‘lash miqdori kelishilganmi, uning boshqa mamlakatga borishi bilan bog‘liq xarajatlarni qoplash tartibi ko‘rsatilganmi, unga uning iltimosiga ko‘ra, biror-bir qo‘shimchalar kiritilganmi, u qancha nusxada tuzilgan va unda shartnomadan nusxa saqlanib qolinganmi;8) kelgusidagi kasbini o‘rgatish bo‘yicha biror-bir kurslardan o‘tganmi;9) ishga joylashtirish yoki boshqa mamlakatga chiqish, xususan pasportni rasmiylashtirish, viza, bilet olish va h.q. bilan bog‘liq biror-bir xizmatlar uchun haq to‘laganmi;10) yollovchilarga qaysi shaxsiy hujjatlari yoki ularning nusxalari berilgan, ular ushbu hujjatlarni qaytarib berishganmi. Agarda, hujjatlar qaytarilmagan bo‘lsa, bu nima bilan asoslangan; 11) uning shaxsiy ma’lumotlarini ko‘rsatish yo‘li bilan anketa tayyorlanganmi, tibbiy ko‘zdan kechirish, fotosuratga olish (qanday turda, qaysi rakurslarda) amalga oshirilganmi; 12) u o‘zining boshqa mamlakatda ishga joylashish niyati haqidagi niyati to‘g‘risida qarindoshlari yoki tanishlaridan kimlarga xabar bergan, bunda unga yordam ko‘rsatgan shaxslar to‘g‘risida ma’lumotlar;13) u jabrlanuvchilardan yana kimlarni ko‘rgan va biladi, ularni taniy oladimi;14) uni o‘g‘irlab ketish qaerda va qay vaziyatda amalga oshirildi 1 . Ikkinchi guruhga jabrlanuvchini ekspluatatsiya qilish joyiga tashish holatlarini kiritish mumkin, xususan: 1) unga jo‘nash uchun biletlrni kim, qachon va qaerda sotib olib bergan, ular saqlanib qolganmi;2) uni sayohat davomida kuzatib yurgan, kutib olgan va hamrohlik qilgan shaxslarning ismi, tashqi qiyofasi tasviri hamda u ularni taniy oladimi;3) uni mamlakatga jo‘natish qachon, qaerdan va qaysi transport turida amalga oshiriladi, u tashuvchining shaxsiy avtotransport vositasi davlat raqamlarini, samolyot yoki poezd reyslarini eslab qolganmi; 4) uni kuzatib yurganlar, boshqa jabrlanuvchilar soni;5) uni tashish yo‘nalishi to‘g‘ridan-to‘g‘ri yoki tranzit xususiyat kasb etganmi. Agarda, tranzit bo‘lsa, qaysi davlatlardan o‘tgan, u tranzit mamlakatlarda qaerda va qancha ushlanib qolgan, u mazkur davlatlarda biror-bir blanka yoki boshqa hujjatlarni to‘ldirganmi; 6) uni tashish uchun soxta farzandlikka olish, nikoh yoki surrogat onalik bilan bog‘liq biror-bir usullardan foydalanilganmi;7) uni tashish uchun soxta hujjatlar ishlatilganmi, agar ishlatilgan bo‘lsa, ularni kim va qaerda bergan; 8) u tashish jarayonida biror-bir zo‘rlik, tahdid, tovlamachilik yoki
1 Дворкин А.И. и др. Расследование похищения человека. – М., 2001. 426
boshqacha ta’sirga duchor bo‘lganmi;9) bojxona va chegara nazoratini qaerda, qaysi punkt va qaysi postda o‘tgan, o‘tish jarayonida biror-bir qiyinchiliklar vujudga kelmaganmi.
holatlarni kiritishimiz mumkin. Bunday holatlarga quyidagilar kiradi: 1) uni yashashi va ekspluatatsiyasi amalga oshirilgan joy uchastkasi yoki binosi joylashgan taxminiy joy, manzili;2) ekspluatatsiya qancha muddat davom etgan;3) u amalga oshirgan mehnat faoliyatining turi va xususiyati, uning funksional majburiyatlari;4) ekspluatatsiya va yashash amalga oshirilgan shart-sharoitlar, jumladan, mehnat vaqtining davomiyligi va taqsimlanishi, ovqatlanish tartibi, tibbiy yordam, bir xonada istiqomat qiluvchi shaxslar soni va h.k.; 5) amalga oshirilayotgan mehnat faoliyatidan real daromad miqdori;6) yashash, mehnat qilish, haq to‘lashning real shartlari yollash vaqtida va’da qilingan, shartnomada ko‘zda tutilgan holatlardan farqlanadimi, farqlansa, qaysi bandlari bo‘yicha; 7) ekspluatatsiya joyida yana qancha jabrlanuvchilar qolgani, ularning taqdiri unga
ma’lumligi;8) ekspluatatsiya jarayonida munosib xulq-atvorni ta’minlashga qaratilgan biror-bir majburlash, ruhiy ta’sir ko‘rsatish choralari qo‘llanildimi, qo‘llanilgan bo‘lsa, ularning oqibatlari nimalarda namoyon bo‘ladi;9) yashash yoki ekspluatatsiya jarayonida uning shaxsiy erkinligi cheklanganmi, xususan, bino yoki yashash joyini tark etishga nisbatan ta’qiq amal qilganmi, shuningdek, qarindoshlar yoki yaqinlar bilan telefon qo‘ng‘iroqlari amalga oshirilganmi;10) jarimali sanksiyalar qo‘llanilganmi, agar qo‘llanilgan bo‘lsa, kim tomonidan, qancha miqdorda va u qaysi hujjatda kelishilgan;11) uning shaxsiy hujjatlari kimda va qaerda saqlangan;12) qachon va qaysi sharoitlarda u odam savdosi qurboni bo‘lganligi aniq bo‘lgan;13) u qochishga, biror kimsaga bo‘lib o‘tgan voqea haqida xabar berib, yordam so‘rashga harakat qilganmi, mazkur davlatning huquqni muhofaza qilish idoralariga murojaat qilganmi, agar qilmagan bo‘lsa, qaysi sabablarga ko‘ra;14) jabrlanuvchilarga qaytib o‘z mamlakatiga ketish taklif qilinganmi;15) ekspluatatsiya yoki mehnatga majburlash jarayonida biror-bir kasallik orttirilganmi, ruhiy jarohat olinganmi, agar bo‘lsa, uning oqibatlari nimalarda namoyon bo‘ladi;16) hozirgi kunda u yollash, o‘g‘irlash, tashish yoki ekspluatatsiya qilish bilan bog‘liq qaysi shaxslar bilan do‘stona aloqalarni saqlab qolgan;17) jabrlanuvchi, uning qarindoshlari, tanishlariga odam savdosi jinoyatchilari tomonidan biror-bir tahdidlar kelib tushganmi, tushgan bo‘lsa, ularning mazmuni qanday, ular o‘z
427
taqdiridan xavotir olishadimi;18) uning sodir bo‘lgan hodisa, shuningdek, jinoyat sodir etishga aloqador shaxslarga nisbatan munosabati.
1.
Huquqni muhofaza qiluvchi organga odam savdosi jinoyati sodir etilganlik fakti bo‘yicha ariza kelib tushgan. Tergovchi sifatida ishni qanday tashkil etish lozim? 2.
Odam savdosi jinoyati bo‘yicha tergov versiyalarni shakllantirishga qanday omillar ta’sir etadi? Mazkur turdagi jinoyatlarda tergovni rejalashtirish qay tarzda amalga oshirilishi lozim?
1-kazus 2015 yil 1 yanvar kuni Mirzo Ulug‘bek tuman prokuraturasiga Fuqaro Odilov Amin ariza bilan murojaat etib, fuqaro Azizov Zokir 2014 yil 20 avgust kuni 15 kishini Rossiyada qurilish inshootida ishlash uchun olib ketganligini va ularga katta miqdorda pul va’da qilganligini, etib borishganidan so‘ng esa ularning pasportlarini olib qo‘yib, ishlaganlaridan so‘ng qaytarib berishlarini aytib o‘tgan. Azizov Zokir ishchilarni ikki oy davomida ishlatgan va ularga hech qandayhaq to‘lamagan, 2014 yil 21 oktyabr kuni ishchilar ishlashdan voz kechib, undan pasportlarini qaytarib berishini so‘rashganida, u pasportlarni qaytarib bermasligini, agarda ishchilar unga bo‘ysunmasa pasportlarini yoqib yuborishini va haq to‘lamasligini aytgan va uch oy ishlab berganlaridan so‘ng pasportlarini qaytarib berishini aytgan. Shundan so‘ng ikki xafta o‘tgach Azizov Zokir ishchilarni boshqarish uchun ishga kelmagan. Ishchilar Azizov Zokirni ikki xafta mobaynida ko‘rishmaganligini, shundan so‘ng ishchilar Azizov Zokirning xonasi eshigini buzib kirib, uning shkafidan o‘zlariga tegishli bo‘lgan pasportlarini olishganligini va O‘zbekistonga qaytib kelishganligini, Azizov Zokir ning sheriklari borligini lekin ularni tanimasliklarini aytishgan.Prokuratura xodimlari tergov davomida fuqaro Azizov Zokir 2014 yil 30 oktyabr kuni o‘zini o‘zi o‘ldirganligini va xat qoldirib ketganligini aniqlashdi. Vaziyatga huquqiy baho bering. Ushbu jinoyatning kriminalistik tavsifiva aniqlanishi lozim bo‘lgan holatlarni belgilang.
428
Mazkur jinoyat yuzasidan tergov versiyalari va rejasini tuzing. Ushbu vaziyatda qanday taktik qoidalar qo‘llaniladi? Jinoyatni fosh etish rejasini tuzing. Tergov versiyalrini shakllantiring.
2015 yil 12 mart kuni Chilonzor tumani prokuraturasiga fuqaro Valieva Sabina tanishi Rizoev Kamron qizlarni chet el hududida majburan ishga jalb qilish uchun olib ketganligini va ularga tahdid solib ularni chet elda majburan ishlatib kelayotganligi haqida ma’lumot beradi. IIBning tezkor qidiruv xodimlari va prokuratura tergovchilari hamkorligida tezkor-qidiruv tadbirida o‘tkazilishi natijasida Rizoev Kamron Raximova Bonuni uyidan majburan olib chiqib ketayotgan paytda qo‘lga olindi. Rizoev Kamron o‘zining sheriklari kim ekanligini aytishdan bosh tortdi. Vaziyatga huquqiy baho bering. Ushbu jinoyatning kriminalistik tavsifi va aniqlanishi lozim bo‘lgan holatlarni belgilang. Mazkur jinoyat yuzasidan tergov versiyalari va rejasini tuzing. Ushbu vaziyatda qanday taktik qoidalar qo‘llanilishi mumkin?
Mazkur turdagi jinoyatlarning kriminalistik tavsifi. Jinoyat ishini qo‘zg‘atish va dastlabki tergov bosqichi. Keyingi tergov harakatlarining tashkiliy va taktik xususiyatlari Mazkur turdagi jinoyatlarning kriminalistik tavsifi Mehnat xavfsizligi qoidalarining jinoiy tarzada buzilishi odamlar o‘limiga sabab bo‘ladi, ularning sog‘lig‘iga va ishlab chiqarishga
foydalanish, sanoat sanitariyasiga oid umumiy va tarmoq qoidalari ta’minlaydi. Bunday qoidalar hukumat tomonidan kasaba uyushmalari va vazirliklar (idoralar) bilan birgalikda ishlab chiqiladi. Ularga rioya etilishi ustidan nazorat qilish kasaba uyushmalari qo‘mitalari, shuningdek maxsus nazorat
organlari (“Sanoattexnazorat”, “Energonazorat”) zimmasiga yuklatilgan. Sanitariya nazoratini davlat sanitariya inspeksiyasi organlari, yong‘indan saqlash nazoratini – yong‘indan muhofaza qilish organlari amalga oshiradi.
429
moddiy zarar etkazadi.
Mehnatni muhofaza qilish qoidalarining odamlar bilan baxtsiz hodisalar yuz berishiga yoki boshqa oqibatlar kelib chiqishiga sabab bo‘lishi mumkin bo‘lgan buzilishlari jinoyat deb topiladi. Yo‘l qo‘yilgan buzilishlar uchun mehnatni muhofaza qilish qoidalariga rioya etilishi ustidan nazorat qilish va texnika xavfsizligini ta’minlash o‘z vazifalari doirasiga kiruvchi mansabdor shaxslar javobgar bo‘ladilar.
Kon ishlari xavfsizligi qoidalari buzilishi, qurilish ishlarini bajarish qoidalari buzilishi, portlash xavfi bo‘lgan korxonalarda yoki sexlarda xavfsizlik qoidalari buzilishi alohida turlarini tashkil etadi. Tergov qilish uslubiyoti yo‘l qo‘yilgan buzilish turini va u sodir etgan muayyan sharoitlarni hisobga olib belgilanadi. Buzilish sabablarini uch guruhga bo‘lish mumkin: texnikaviy, tashkiliy, sanitariyaviy. Birinchi guruhga agregatlar, mashinalar, jihozlar, asbob-uskunalarning konstruktiv xususiyatlari va nuqsonlari; ikkinchisiga – ishlab chiqarish jarayonini tashkil etishdagi kamchiliklar; uchinchisiga – sanitariya-gigiena tusidagi kamchiliklar (binolar ichining axlat bosganligi, etarlicha yoritilmaganligi va h.k.) kiradi. Mehnat xavfsizligi qoidalarini buzish jinoyati quyidagi usullarda sodir etiladi. 1.
bo‘lmagan shaxslarni qabul qilish. Amaliyot natijalariga ko‘ra ba’zan turli ishlab chiqarish vazifalarini bajarish yoki murakkab mexanizmli dastgohlarni boshqarish bilan bog‘liq ishlarga unga mos keluvchi mutaxassislik yoki zarur amaliy ko‘nikma, tajriba va malaka ega bo‘lmagan yohud ishga kirish uchun belgilangan tartibda attestatsiyadan o‘tmagan shaxslar qo‘yiladi. Masalan: asbob-uskunalarni tuzatish uchun slesar-ishchi o‘rniga boshqa mutaxasisni olish, stanokda ishlovchi ishchini yordamchi ishchi bilan almashtirish, yuk ortish va tushurishga oid ishlarda signal beruvchi vazifasini tajribasiz shaxslarga topshirish va x.k. E’tibor qarating! Jinoyat to‘g‘risidagi qonun hujjatlari mehnatni muhofaza qilish qoidalari jinoiy tarzda buzilishining ikkita turini nazarda tutadi: 1) sog‘liqqa zarar yetkazilishiga sabab bo‘lgan buzilishlar; 2) odam o‘limiga sabab bo‘lgan buzilishlar. 430
2.
Mehnat xavfsizligi qoidalariga zid ishlarni tashkil etish to‘g‘risida ko‘rsatma yoki buyruqlar berish.Bu guruhga oid qoidabuzarliklar mansabdor shaxslar tomonidan sodir etiladi. Bunda mansabdor shaxs texnika xavfsizligi qoidalariga yoki ishchilar xavfsizligini ta’minlashga mas’ul bo‘lgan organlar, korxona, muassasa va tashkilotlar bilan oldindan kelishmasdan ishlarni tashkil etish to‘g‘risida ko‘rsatma yoki buyruqlar beradi. SHuningdek, individual himoya vositalarisiz ishlab chiqarish operatsiyalarini amalga oshirishda foydalanish taqiqlangan nosoz asbob-uskunalarda ishlashga ruxsat beriladi. Bu turdagi qoidabuzarliklarga er qari yoki xavo liniyalarida erni qazish yoki xavoda ko‘tarish bilan bog‘liq ishlarni belgilangan tartibga (“Sanoattexnazorat”, “Energonazorat” organlari bilan kelishmasdan) rioya qilmasdan amalga oshirish to‘g‘risidagi ko‘rsatmalar, inson sog‘lig‘i yoki hayoti uchun xavfli bo‘lgan zaharli moddalar yoki suyuqliklarni qo‘l kuchi bilan olib o‘tish yoki yomg‘ili ob-havoda ochiq joylarda payvandlash (elektrosvarka) ishlarini amalga oshirish to‘g‘risida chiqarilgan buyruqlar va boshqalar. 3.
Stanok yoki turli mexanizmlar konstruksiyasini texnologik jarayoniga o‘zgartish kiritish, shuningdek mehnat xavfsizligi talablariga zid eslatma va ko‘rsatmalar chiqarish. Bu turdagi huquqbuzarliklar korxonaning normal ishlab chiqarish ishlariga yoki to‘liq tashkiliy masalalariga javobgar shaxslar tomonidan sodir etiladi. Boshqachi qilib aytganda mazkur qoidabuzarliklar o‘z ichiga sohaga oid umumiy yoki maxsus mehnat xavfsizligi qoidalariga zid ko‘rsatmalarni qamrab oladi. Asbob-uskunalarni ekspluatatsiya yoki remont qilish eslatmalariga mazkur uskunalarning texnik pasportida nazarda tutilgan ish rejimi, tezligi yoki me’yoriy bosimiga to‘g‘ri kelmaydigan ma’lumotlarni kiritilishi va boshqalar. 4.
Mehnatni muhofaza qilish sohasida ishchilar tayyorgarligi (bilim, malaka, ko‘nikmasi)ni etarli emasligi. Bunda mansabdor shaxs texnika xavfsizligi bo‘yicha ishchilar bilimi va malakasi muntazam oshirib borish bilan bog‘liq tadbirlar o‘z vaqtida amalga oshirimaydi. Masalan, instruktaj o‘tkazish vaqtiga amal qilinmasligi yoki texnologik jarayonlarni o‘zgarishi bilan yangi turdagi instruktajlarni tashkil etilmasligi; ishchilarni attestatsiyadan o‘tkazish muddatlari va qoidalarini buzilishi va x.k. 5. Himoya vositalari va uskunalari texnik holati ustidan nazoratsizlik. 431
Odatda, bu turdagi jinoyatlar mansabdor shaxslar tomonidan ishchilarning individual himoya
vositalari yoki
ekspluatatsiya qilinayotgan uskunalarni texnik holatiga oid choralarni ko‘rmasligi oqibatida yuzaga keladi. Bunday
qonun buzilishi ko‘pincha korxonada foydalanib kelinayotgan asbob-uskunalar, mexanizmlar, to‘siqlar, blokirovka qilish yoki signal berish uskunalari predoxranitellari, ventilyasiya, individual himoya vositalarini muntazam profilaktik va texnik ko‘zdan kechirish choralarini ko‘rilmasligi natijasida sodir etiladi. 6. Ishlarni xavfsiz tashkil etilishini qoniqarsiz nazorat qilish. Mansabdor shaxs tomonidan ishlarni texnika xavfsizligi talablariga rioya qilinishi doimiy tizimli ravishda nazorat qilinmaydi. 7. Texnika xavfsizligi ishlari va tadbirlarini qoniqarsiz tashkil etish. Bunda mansabdor shaxs inson hayoti yoki sog‘lig‘i uchun xavfli bo‘lgan maydonlar chegarasi, xavf-xatar darajasi yanglish belgilaydi yoki mehnat qilish sharoitlari xavfsizligini ta’minlamaydi (yorug‘lik, to‘siqlarning mavjud emasligi va x.k.); xavfsizlikni ta’minlovchi xodimlar sonini yoki ish o‘rinlarini noto‘g‘ri taqsimla; ishchilarni individual himoya vositalari bilan ta’minlamaslik; tegishli sanitar- gigienik sharoitlar va profilaktik tadbirlar (ob’ektda xodimlar uchun yuvinish, radioktiv qoldiqlardan tozalash, doimiy tibbiy xizmat ko‘rsatish xonalarini)ni mavjud emasligi. Ko‘rsatib o‘tilgan sabablar kamdan-kam hollarda alohida-alohida uchraydi. Odatda ular o‘zaro aloqador, bir-biri bilan bog‘liqdir. CHunonchi, buzilishning sanitariyaga xos sabablari yuzaga kelishiga ko‘pincha tashkiliy kamchiliklar sabab bo‘ladi. Jarohatlanish hollari jabrlanuvchining o‘z beparvoligi va boshqa qoidabuzarliklari oqibati bo‘lishi mumkin. Mehnat xavfsizligi qoidalarining jinoiy tarzda buzilishini tergov qilishda jinoyat protsessual qonunida ko‘rsatilgan barcha holatlar isbotlanishi kerak. SHuningdek, barcha hollarda tergovchi jinoiy tarzda buzilishlar sodir etilishiga ko‘maklashgan sabablar va shart-sharoitlarni bartaraf etish choralarini ko‘rishi shart. Tergov qilish muddatlarini cho‘zilib ketishi, uning rejasizligi, hodisa joyini kamdan-kam va kechikib ko‘zdan kechirish, hodisa mexanizmining texnik masalalarini inkor qilish,
sud-texnika ekspertizalari imkoniyatlaridan va mutaxassislar yordamidan etarlicha foydalanmaslik tergovning odatiy xatoliklari hisoblanadi.
432
Jinoyat ishini qo‘zg‘atish va dastlabki tergov bosqichi
Ko‘pincha jinoyat ishini qo‘zg‘atishga kasaba uyushmalari tashkilotlari, maxsus nazorat organlari, baxtsiz hodisa sodir bo‘lgan korxona ma’muriyatining xabarlari sabab bo‘ladi. O‘lim bilan tugagan va boshqa og‘ir oqibatlarga olib kelgan hodisalar darhol kasaba uyushmasining texnik inspektori tomonidan, “Sanoatkontexnazorat” nazorati ostidagi ob’ektlarda esa – shu organlarning inspektori tomonidan tekshirilmog‘i lozim. Tekshirishda ma’muriyatning, kasaba uyushmasi va yuqori xo‘jalik organining vakillari ishtirok etishlari kerak. Alohida hollarda, texnik inspektor darhol etib kelishining imkoniyati bo‘lmaganda, tekshirish komissiyasi, kasaba uyushmasi qo‘mitasi va korxona ma’muriyati tomonidan amalga oshiriladi. Bundan qat’i nazar, korxona rahbari hodisa haqida prokuratura organlariga darhol xabar qilishi shart.
Hujjatlarni tekshirib chiqish, so‘roqlar o‘tkazish, zaruriy ekspert tekshiruvlarini amalga oshirish ko‘rib chiqilayotgan turdagi jinoyatlarni tergov qilishning asosiy tarkibiy qismlari hisoblanadi. Bu harakatlarning barchasi o‘zaro bog‘liq va bir-birini taqozo etadi.
Download 4.6 Mb. Do'stlaringiz bilan baham: 
|