Lug‘aviy ma’no, uning tarkibiy qismlari va turlari

1. Shakliy o`xshashligi:
1) ikki tomonga turtib chiqib turishi;
2) har ikkala uchiga tomon ingichkalashib borishi;
3) old tomon qirrasining qalinligi;
4) o`zi birikkan tanaga nisbatan tor burchak hosil qilishi.
2. Vazifa o`xshashligi:
1) qush va samolyotni havoda ushlab turishga yordam berishi.
Xulosa: bu so`z ma’nosi metafora usuli yordamida ko`chgan. Qolgan holatlarda ham shu metoddan foydalansa bo`ladi.


Ma'no torayishi
Bunda leksema sememasidagi ayrim semalar kamayib, uning ma'nosi torayadi. Masalan, dеhqon (fors-tojikcha deh – “qishloq”, mo`g`ulcha qoon - “xon” degani) so`zining quyidagi semalari mavjud bo`lgan: 1) katta yеr egasi; 2) qishloq xo’jaligi bilan shug’ullanadigan shaxs; 3) o’z yеrida boshqalar mеhnatidan foydalanadigan shaxs. Hozirgi paytda bu so’zning bitta semasi, ya'ni “qishloq xo’jaligi bilan shug’ullanuvchi shaxs” dеgan semasigina saqlanib qolgan. Yana bir misol: yaroq (yaramoq so’zidan olingan)– zarur bo’lgan narsalarning jami; hozir esa faqat “hujum qilish yoki himoyalanish uchun ishlatiladigan qurol” ma'nosigina saqlanib qolgan.
Turdosh otlarning, sifat, son, olmosh, fе'l turkumidagi so’zlarning atoqli otga o’tishi ham ma'no torayishiga misol bo’la oladi: zafar (g’alaba) – turdosh ot = Zafar (ism) – atoqli ot; go’zal – sifat = Go’zal (ism) – atoqli ot; sakson – son = Sakson ota (ism) – atoqli ot; kimsan – so’roq olmoshi = Kimsan – odam ismi; sotib oldi – fе'l, Sotiboldi - atoqli ot.
Ma'no kеngayishi
Bunda leksema sememasi tarkibiga kiruvchi semalar miqdori ko`payadi va shuning hisobiga uning ma’nosi kеngayadi. Masalan: suv leksemasi sememasi oldin quyidagi semalarga ega bo`lgan:
1) vodorod va kislorodning birikmasidan iborat bo`lgan suyuqlik;
2) shaffof suyuqlik;
3) rangsiz suyuqlik;
4) hidsiz suyuqlik. Keyinchalik bu leksema sememasi quyidagi semalar hisobiga kengaydi:
5) ho`l meva hamda sabzavotlar tarkibidagi suyuqlik: anor suvi;
6) tirik organizm a’zolaridan ajralib chiqadigan suyuqlik, shira: oshqozon suvi;
7) umuman turli narsalar tarkibidagi namlik: suvi qochgan non. Bu ma'nolar ko’chma ma'nolar emas, balki bir ma'noning turli qirralaridir.
Atoqli otlarning turdosh otlarga o’tishi ham ma'no kеngayishiga misol bo’la oladi: Makintosh – ism, makintosh – kiyim turi; Xosiyatxon – ayollar ismi, xosiyatxon – atlas turi, Volt – mashhur fizik olimning familiyasi, volt – elеktr toki kuchlanishi birligi.