M. Dáwletov, Sh. Allaniyazova, D. Seytqasımov, A. Dáwletova

107-shınıǵıw. Tekstti oqııń. Túsinigińizdi aytıp beriń.
QÍYAS JÍRAWDÍŃ ÓMIRI HÁM 
DÓRETIWSHILIGI
Qıyas jıraw (1903—1974). Qıyas Qayratdinov — qaraqalpaq 
xalıq jırawı. Onıń talantı barınsha rawajlanıp, óz óneri 
menen mádeniy turmısqa belsene aralastı. 1942-jılı oǵan 
«Qaraqalpaq xalıq jırawı» húrmetli ataǵı berildi. Onıń 
ustazları Ábdireyim, Qabıl, Ábdimurat jırawlar bolǵan. 
Ol ataqlı Bekmurat jırawdan «Alpamıs» dástanın, Qabıl 
jırawdan «Máspatsha» dástanın úyrengen. Qıyas jırawdıń 
ózi shıǵarǵan terme hám tolǵawları óz aldına kitap 
bolıp basılıp shıqtı. Jırawdan jazıp alınǵan dástanlar da 
6 — Qaraqalpaq tili, 8-kl

---

82
kitap bolıp basıldı. Onıń eń kóp jırlaǵan hám onıń atın 
shıǵarǵan «Máspatsha» dástanı boldı. Onıń balası Ańsatbay 
Qayratdinov «Qaraqalpaqstan xalıq artisti», belgili melodist-
kompozitor bolıp jetisip, xalıqqa minsiz xızmet etti.
108-shınıǵıw. Qosıqtı oqıń. Yadlap alıń.
QAHARMANLAR
Bala kúlkisine dúnya tolsın dep,
Náresteler bizden de más bolsın dep,
Jansa júrek Watan ushın jansın dep,
Alǵıslardan jemisi mol shaqań bar,
Márt shıpaker, Onesiya apam bar!
Heshkim ele biypul gerbish órgen joq,
Hatamtay da jaylar salıp bergen joq,
Bunday isti dúnya burın kórgen joq,
Bunıń bir mısalı tek bizde ǵana,
Saqawat tımsalı – Allaniyaz aǵa!
Marjan kibi tergen sózi tartımlı,
Keń dúnyaǵa málim qıldı dańqıńdı,
Dástan etip Qaraqalpaq xalqımdı,
Júregińe bólep kelgen danamsań,
Sen danıshpan, Tólepbergen aǵamsań!
Ózgeler hár baǵqa bolǵanda dilgir,
Gúlzarın ardaqlap ótti bir búlbúl,
Qosıǵı biytákirar, zeyini ilgir,
Sadıq bolıp qaldı yoshqa hárdayım,
Bir keldi qaharman, shayır Ibrayım!
Fermerlerdiń dańqın kókke kóterip,
Kózge tústiń ana jerde kógerip,
Diyqan baba áwladısań teberik,
Jerdiń tilin bilgen, Aǵıtay aǵam,
Ereksheseń elden, Aǵıtay aǵam!

---

83
«Alma aǵashınan túspes alısqa»,
Qoyıw saya bolǵan altı arısqa,
At salısıp birge shapqan namısqa,
Usı jurtqa «Altın juldız» taǵarman,
Shólde baǵ jaratqan xalqım qaharman!
(P. Dabılov)