M. Dáwletov, Sh. Allaniyazova, D. Seytqasımov, A. Dáwletova

jan, kitap sıyaqlı sózler menen birge jámiyettiń rawajla-
nıwı menen dóregen uyalı telefon, internet, bankomat,
kredit, terminal hám t.b. sıyaqlı jańa sózler kiredi.
14-shınıǵıw. Gáplerdi oqıp shıǵıń. Qara hárip penen berilgen 
sózlerdiń mánilerin túsindiriń.
1. Júz adım shaması izinde ústi-bası órim-órim, qap-
qara kir, basında pilteleri kórinip tozıwı jetken góne taqıya,
jalańayaq, eki shekesinde tulımshaqları úrpeygen on bir-on 
eki jaslar shamasında aq quba, qır murınlı bala ere almay 
keyinlep kiyatır. 2. Balanıń da arqalaǵan túyinshigi bar. 
3. Júrisi dım ǵana ónimsiz. 4. Hayal anda-sanda artına 
burılıp qaraydı. 5. Kem-kemnen jawın kúsheyip, aspannıń 

---

13
túbi túskendey, sheleklep quya basladı. 6. — Jerdi ne qıla-
sań, onnan da bizikinde júre berseń-o... 7. Álle nárselerdi 
aytıp, óz-ózinen gúbirlendi. 8. Aǵıl-tegil bolıp otırǵan apa-
sın kórip, Tóreshtiń kewli buzıldı. 9. Basın ózine tartıp, 
Turımbet betine betin tiygizdi. (N.D.)
Eske túsiriń: Jámiyettegi hámme adamlar ushın 
teńdey túsinikli, ortaq qollanılatuǵın toǵay, men, sen,
ol, dárya, kól, qızıl, sarı, kók, jeti, toǵız, on, erteń,
búgin, keshe, házir, keyin, tur, sóyle, ayt hám t.b. 
sıyaqlı sózler ulıwma qollanıwshı sózler dep ataladı.
15-shınıǵıw. Tekstti oqıń. Qara hárip penen berilgen ulıwma 
qollanılıwshı sózlerdiń mánilerin aytıp beriń.
Ekinshi kúni azanda Temirxan ata balalardı kól ishi 
menen tanıstırdı. Qalay etip pishendi orıw kerekligin 
túsindirdi, biraq bul kúni heshkim de pishen orıwǵa 
kirisken joq. Hámmesi de kól ishin qıdırıp, dem aldı. 
Balalar biraz dem alǵannan keyin, Temirxan ata olardıń 
bazıbirewlerine aǵash shawıp ákeliwdi, kimine otın tayar-
lawdı tapsırdı. Keshke shekem kewlindegisiniń barlıǵın da 
isletti. Sóytip, ǵarrı óz miyneti menen jaslardıń jataq orın 
ushın shatır dúzetip berdi. Shatır oǵada sulıw hám kól 
ishinde ayrıqsha kózge túsetuǵın appaq sán berip turdı.
— Endi men qaytayın, balalarım, — dedi Temirxan ata 
kelesi kúni azanda, — búginnen baslap meniń aytqanımday 
etip ora berińler.
Bul waqıtta tań atıwǵa meyil berip, kún shıǵıp juldızlar 
serpile baslaǵan edi. Balalar da álleqashan turıp, shay iship 
atır. (T. Qayıpbergenov)