M. Dáwletov, Sh. Allaniyazova, D. Seytqasımov, A. Dáwletova

19-shınıǵıw. Qosıqtı tásirli etip oqıń hám yadlań.
ARAL TARIYXÍNAN
Aydınlı Aral, tilge alsam atıńdı,
Sen qozǵaysań júrek muhabbatımdı,
Óziń kibi tolqınlatıp jırımdı,
Yosh bereseń, ash! — degendey sırımdı,
Sırlas bolıp meniń ata-babam da,
Aralım dep, ósken seniń jaǵańda,
Sende olar túrli kásip-kár etken,
Ata-babalardıń sen kórdiń kózin,
Tiliń bolsa aytar ediń tap óziń,
Saǵan málim kimniń kelip-ketkeni,
Qaysı ásirde ómirińnıń ótkeni.
Doslıq sezim tolı júrek boyıńda,
Bir waqıtta Taras júrdi boyıńda,
Panaladı, ol da seni anam dep,
Sen de qushaq ashtıń, onı balam dep.
Jaǵańda sayrattıń búlbúl Berdaqtı,
Aynalańa qurıp jatqan shatırdı.
Sen kórdiń xalıq ulı talay batırdı,

---

17
Sheksiz Ústirtlerde bawırın basıp.
Joldasıńday jattı saǵan sırlasıp,
Qara bultlar kóship júrdi ústińde,
Nurın shashıp kún kúlmedi kóksińde,
Bult gúrkirep, geyde jarq etip jaqtı,
Aspan jarılǵanday shaqmaqlar shaqtı:
Ala burqan dawıllardıń ishinde,
Kimler gúreskeni bar ma esińde?
«Baxıt ushın ólsem — óldim demespen»
Dep gúresken erler shıǵa ma esten!
Degendey, Aralım, sır jatır sende,
Sırıńa súńgiwge qushtarman men de.
(X.Seytov)
Sorawlar hám tapsırmalar:
1. Aral teńizi qay jerde jaylasqan?
2. Tolıp-tasıp turǵan dáwirinde kólemi jaǵınan neshinshi 
orında turǵan?
3. Aral teńizine qaysı dáryalar quyadı?
4. Aral teńizinen qanday balıqlar awlanǵan?
5. Házirgi waqıtta Aral teńizin qutqarıw ushın qanday 
jumıslar islenip atır?
5. «Aral mashqalası — dúnya júzilik mashqala» temasında 
kishi kólemde shıǵarma jazıń.
6. Qosıqtıń qálegen 3 kupletin yadlań.
Sózlik
Qaraqalpaq-
sha
Ózbekshe