M. Dáwletov, Sh. Allaniyazova, D. Seytqasımov, A. Dáwletova

Sorawlar hám tapsırmalar:
1. Turaqlı sóz dizbekleri degenimiz ne?
2. Olardıń tildiń sózlik baylıǵın rawajlandırıwdaǵı ornı 
qanday?
3. Kórkem shıǵarmalardan turaqlı sóz dizbeklerin tabıw-
ǵa háreket etiń.

---

20
§ 4. Til ósiriw
24-shınıǵıw. Tekstti oqıń. Mazmunın sóylep beriń. 
SÓZ QÚDIRETI
Ertede awı júrse de dawı júrmey, kem-kemnen kámba-
ǵallasıp baratırǵan diyqan jol shetinde oylanıp tursa, ápiwayı 
kiyingen bir jolawshınıń ótip baratırǵanın kóripti. Sonda 
diyqan:
— Áy danıshpan, ne eksem, men bayıp ketemen? — dep 
másláhát soraptı.
Jolawshı oǵan piyaz egiwdi másláhát etipti.
Írasında da, biytanıs jolawshınıń gápine kirgen diyqan 
sol jılı júdá bayıp ketipti. Baylıǵınan, másliginen kózi jer 
kórmey qalǵan diyqanǵa jáne sol ápiwayı kiyingen jolawshı 
ushırasıp qalǵanda:
— Áy gedey, ne eksem, men jáne de bayıp ketemen? —
dep ekinshi mártebe soraptı.
Sonda ol jáne bir basqa eginniń atın aytıp, jolın dawam 
etipti. Táǵdirdiń qılǵanına qarań, keyingi jılı diyqannıń 
áwmeti kelmey, aldıńǵıdan da beter jarlılanıp qalıptı.
Bunnan júdá ǵázeplengen diyqan sol bayaǵı jolawshını 
sabırsızlıq penen kúte baslaptı. Aqırı, ol tanıs jolawshı 
menen dus kelipti hám:
— Áy jolawshı, nege meni aldadıń? Seniń gápińe erip, 
jáne de bayıw ornına burınǵıdan da beter kámbaǵal bolıp 
qaldım ǵoy! — dep ǵázeplenipti.
— Ózińdi bas, — depti oǵan jolawshı, birinshi jılı sen 
maǵan «danıshpan» dep múráját ettiń. Men saǵan danısh-
pannıń juwabın berdim. Nátiyjede sen bayıp kettiń. Keyingi 
saparı bolsa, maǵan «gedey» degen sózdi múnásip kórdiń 
hám saǵan gedeydiń juwabın berdim, — degen eken.
(Ózbek xalıq ertegi)
Sorawlar hám tapsırmalar:
1. Diyqan kimdi kórdi?
2. Diyqan jolawshıǵa birinshi saparı ne dep múráját 
etti?

---

21
3. Ekinshi saparı ne dedi?
4. Danıshpan qanday jol kórsetti?
5. «Sóz qúdireti» temasında óz ara sáwbetlesiń.