M. S. Tulayev

 
Nazorat va mulohaza uchun savollar 
 
1. Moliyaviy hisobot to‘g‘risida umumiy tushuncha, uni ishlab chiqish va turli 
mamlakatlarda qo‘llanilish xususiyatlarini sanab bering. 
2. Moliyaviy axborotning sifat xususiyatlarini sanab bering. 

---

101 
Ilovalar 
O’ZBEKISTON RESPUBLIKASINING QONUNI 
BUXGALTERIYA HISOBI TO‘G‘RISIDA 
(yangi tahriri) 
 
1-modda. Ushbu Qonunning maqsadi 
Ushbu Qonunning maqsadi buxgalteriya hisobini tashkil etish, yuritish va 
hisobotni tuzish sohasidagi munosabatlarni tartibga solishdan iborat. 
 
2-modda. Buxgalteriya hisobi to‘g‘risidagi qonun hujjatlari 
Buxgalteriya hisobi to‘g‘risidagi qonun hujjatlari ushbu Qonun va boshqa 
qonun hujjatlaridan iboratdir.
Agar O’zbekiston Respublikasining xalqaro shartnomasida O’zbekiston 
Respublikasining buxgalteriya hisobi to‘g‘risidagi qonun hujjatlarida nazarda 
tutilganidan boshqacha qoidalar belgilangan bo‘lsa, xalqaro shartnoma qoidalari 
qo‘llaniladi. 
 
3-modda. Buxgalteriya hisobining asosiy prinsiplari 
Uzluksizlik, ishonchlilik, ko‘rsatkichlarning qiyoslanuvchanligi buxgalteriya 
hisobining asosiy prinsiplaridir. 
 
4-modda. Buxgalteriya hisobi 
Buxgalteriya hisobi barcha xo‘jalik operatsiyalarini yaxlit, uzluksiz, hujjatlar 
asosida hisobga olish yo‘li bilan buxgalteriya axborotini yig‘ish, qayd etish va 
umumlashtirishning tartibga solingan tizimidan, shuningdek uning asosida 
moliyaviy va boshqa hisobotni tuzishdan iboratdir. 
Buxgalteriya hisobi xo‘jalik operatsiyasini buxgalteriya hisobining kamida 
ikkita schyotida bir vaqtda va o‘zaro bog‘liq holda pulda baholab aks ettirish yo‘li 
bilan ikki yoqlama yozuv usulida yuritiladi.