Maktab o’quv ishlari bo’yicha direktor o’rinbosari: Ganjayeva Z

II bosqich: O’tilgan va uyga berilgan mavzuni so’rash, takrorlash jarayoni:

Uyga berilgan vazifa savol – javob orqali aniqlanadi:

1.Nimalar O’zbekiston Konstitutsiyasi qabul qilinishi omillari bo’ldi?

2.O’zbekiston Konstitutsiyasida qanday yangi qoidalar mustahkamlab qo’yilgan?

3.Qonunlar ustunligi deyilganda nima nazarda tutiladi?

III bosqich: Yangi mavzu mazmunini tushuntirish jarayoni:

Konstitutsiya – davlatning asosiy qonuni bo’lib, konstitutsiyaviy tuzum, davlat qurilishi asoslarini, fuqarolar huquq va erkinliklarini belgilab beradi, qonun chiqaruvchi, ijro etuvchi va sud hokimiyati organlarini tuzishni tartibga solib turadi, saylov tizimini joriy etadi, davlat ramzlarini belgilaydi va Konstitutsiyaga o’zgartirish kiritish tartibini mustahkamlab qo’yadi.

1992-yilgi Konstitutsiya xususiy mulk va bozor iqtisodiyotiga asoslangan yangi ijtimoiy – siyosiy tizim negizini yaratib beradi. Davlat mulki qatorida xususiy mulk ham davlat muhofazasidadir. Konstitutsiyada mafkuraviy xilma – xillik, ko’ppartiyaviylik mustahkamlab qo’yilgan.

1992-yilgi Konstitutsiya davlatni emas, balki insonni birinchi o’ringa qo’ydi. Inson, uning hayoti, erkinligi, sha’ni, qadr – qimmati va boshqa daxlsiz huquqlari oliy qadriyatlar deb e’lon qilindi.

Konstitutsiya, shuningdek, fuqaro va davlatni o’zaro huquqlar va burchlar bilan bog’lovchi prinsipni ham mustahkamlab qo’yadi.

Muqaddima – Konstitutsiyaning kirish qismi. Muqaddimada O’zbekiston taraqqiyot yo’lining maqsadalari, vazifalari va prinsiplari qisqacha sanab o’tiladi.

IV bosqich: Yangi mavzuni mustahkamlash, amaliy va mustaqil ishlar bajarish jarayoni: