Maktab yoshidagi bolalar jismoniy tarbiyasi uslubiy

6.2. Tezkorlik va uni tarbiyalashning uslublari

Tezkorlik muhim jismoniy sifatlar qatoriga tegishli. 

Tezkorlik – insonning muayyan sharoitda minimal vaqt sarflash 

bilan harakat faoliyatini bajarish qobiliyatidir.

Tezkorlikning namoyon bo‘lishi asosiy omillari quyidagilar:

a) harakatlantiruvchi ta’sirning yashirin davri (reaksiya);

b) ayrim harakatlar tezligi;

v) harakatlar chastotasi.

Tezkorlikning bu shakllari ro‘y berishi biri ikkinchisiga 

bog‘liq emas. Harakatning yaxlit tezlikka egaligi uning muhim 

ahamiyatidir.  Biroq  u  nafaqat  tezkorlikning  rivojlanishi 

darajasiga, balki masalan, yugurishda qadamlarning uzunligi, 

itarilish kuchi va boshqa omillarga ham bog‘liq. Insonning 

tezlik qobiliyati o‘ziga xos koordinatsion harakatlarga mansub 

bo‘ladi.

Tezkorlikni  aniqlashning  eng  qulay  modeli  yugurishdir. 

Uni bajarish vaqtida barcha uchta komponent namoyon bo‘ladi.