Maktab yoshidagi bolalar jismoniy tarbiyasi uslubiy

8.3. Darsning mazmuni va uning tuzilishi

Darsning mazmuni deganda ko‘pincha o‘quvchilarga taklif 

qilinadigan  jismoniy  mashqlarning  muayyan  to‘plami  ko‘zda 

---

56

tutiladi. Shu asosda, dars tahlili shuni ko‘rsatadiki, mo‘ljallangan 

natijaga erishish uchun eng muhimi rejalashtirilgan mashqlar 

bilan shug‘ullanuvchilarning turli xil faoliyatini bajarish 

jarayonini amalga oshirish zarur.

O‘quvchilar  faoliyatining  ushbu  unsurlari  darsning 

oxirgi  natijasiga  ham  bog‘liqdir.  Faoliyatning  bu  elementlari 

mashg‘ulotning asosiy mazmunini tashkil etadi.

Biroq har bir sinf va o‘quvchining aniq harakati 

o‘qituvchining muayyan faoliyatini keltirib chiqaradi. U ushbu 

darsda vazifalar qo‘yishda, muayyan aniq vazifalarni yechish 

va  ularning  bajarilishi  uchun  sharoitlar  yaratishdan  iboratdir. 

O‘qituvchi  o‘quvchilarning  faoliyati  ustidan  kuzatishni 

amalga oshiradi, ularning harakatini to‘g‘rilaydi va baholaydi, 

yuklamani  me’yorlashtiradi,  hatti-harakatlarini  boshqaradi, 

bolalar  o‘rtasidagi  o‘zaro  munosabatlarni  yaxshilaydi  va 

boshqalar.

Pedagogning  bu  ko‘p  qirrali  faoliyati,  shug‘ullanuvchilar 

harakatini belgilovchi va yetakchi omilidir, shuning uchun ham 

u darsning salmoqli qismini tashkil etadi.

Darsning  mazmuni  o‘qituvchi  tomonidan  rejalashtiriladi, 

biroq  pedagog  bolalar  bilan  hamkorlikda  ishlash  jarayonida 

vujudga  keladigan  sharoitlar  va  vaziyatlarning  barcha 

elementlarini  oldindan  ko‘ra  olmaydi.  Shuning  uchun  ish 

amaliyotida  darsning  mazmuni  loyihalashtiriladigan  va  uni 

o‘tkazish jarayonida tarkib topadigan aniqlik farqlanadi. Aniqlik 

darsning mo‘ljallangan mazmuni bilan to‘la mos kelmaydi. Bu 

holatni  o‘qituvchi  darsni  o‘tkazish  jarayonida  hisobga  olishi 

kerak.