Maktabgacha tarbiya yoshidagi bolalar uchun korrektsion rivojlantiruvchi

Maktabgacha tarbiya yoshidagi bolalar uchun korrektsion rivojlantiruvchi
mashg‘ulotlar majmuasi

Qarama-qarshi so‘zlar

Bu o‘yin mantiqiy tafakkurning rivojlanishiga yordam beradi. O‘yinni individual tarzda ham, guruh bilan ham o‘tkazish mumkin. O‘yin sharti quyidagicha: o‘qituvchi yoki psixolog bolaga bir so‘zni aytadi, bola shu so‘zning ma’nosiga qarama-qarshi bo‘lgan so‘zni topib aytishi kerak. Masalan: katta-kichik, issiq-sovuq, achchiq-shirin, qoronqu-yoruq, qattiq-yumshoq, keng-tor, uzoq-yaqin, yaxshi-yomon va hokazo. Odatda bolalar o‘yin boshida biroz qiynaladilar, aytilgan so‘zga javoban antonim so‘zni emas, sinonim so‘z bilan javob beradi, masalan: katta-baland, uzun-uzoq kabi. Ammo o‘yinning mohiyatini tushunib olganlaridan so‘ng bolalar yaxshi o‘ynay boshlaydilar. O‘yin bir necha marta o‘tkazilganidan so‘ng bolalar abstrakt tushunchalarni ham osonlik bilan tushunadi va javob beradi, masalan: chaqqon-yalqov, ishchan-dangasa, odobli-odobsiz kabi s o‘zlarga ham tez javob topa oladi.


"Xayolga tolish" (emosiyani boshqarish uchun o‘yin)
Sayohatchi stolga o‘tiradi va diqqat bilan kartani o‘rganadi. U sayohat rejasini o‘ylaydi. Ifodalanishi lozim bo‘lgan harakatlar: chap qo‘li tirsagi stolga suyangan va boshini ushlab turibdi, o‘ng qo‘lining ko‘rsatkich barmog‘i tasavvurdagi karta ustida harakatlanayapti. Mimika: yengil qisilgan ko‘zlar, pastki labi tishlangan.
Bola ushbu chiziqlarni birlashtirib chiqishi lozim.

Umumlashtirish

Bu o‘yin mantiqiy tafakkurning rivojlanishiga yordam beradi. O‘yin sharti quyidagicha: psixolog bolaga bir guruhga mansub uchta yoki to‘rtta predmet nomini aytadi, bola bu predmetlarning umumiy nomini aytishi kerak, masalan: ot, sigir, qo‘y, it - uy hayvonlari; tarvuz, handalak, qovun, qovoq – poliz ekinlari; karam, pomidor, kartoshka, piyoz – sabzavotlar; oy, quyosh, yulduzlar - osmon jismlari va shu kabilar.

Bola ushbu chiziqlarni birlashtirib chiqishi lozim.