Maktabgacha va

Elektron jadvalni yaxshilash
Elektron jadvalni hamisha mukammallashtirish mumkin, hatto u yaxshi ishlaydi deb 
hisoblansa ham. Quyidagi fikrlarni o‘ylab ko‘ring:
• Elektron jadvalingizda ishlamaydigan element bormi? Agar shunday bo‘lsa, bu 
muammoni hal qilish kerak.
• Elektron jadvalingizni ishlatish osonmi? Foydalanishni yanada osonlashtirish uchun 
formatlash mumkinmi?
• Elektron jadvalni yaxshilash uchun qanday o‘zgartirish kiritsa bo‘ladi?
• Elektron jadvalni qayta yaratganingizda boshqacha yo‘l tutgan bo‘larmidingiz? 
Nimani o‘zgartirar edingiz?
Uzundan-uzun hisobotlarni yozishga hojat yo‘q. Faqat qisqa izohlardan foydalanish 
kerak. Masalan:
Elektron jadval yetarli darajada yaxshi ko‘rinishga ega emas. Menimcha, uni ko‘proq 
formatlash kerak. Yakuniy javobni darhol ko‘rish uchun asosiy ma’lumotlar yaqqolroq 
ifodalanishi lozim.
@edurtm_uz

---

86
8.1-mashgʻulot
O‘z maqsadlaringiz aks etgan jadvalni yarating.
Birinchi ustunga Ultimate League
 nomli elektron jadval uchun ishlab chiqilgan 
maqsadlaringizni kiriting. Har bir maqsadga qanchalik erishganingiz haqida o‘ng 
tomondagi ustunga yozing.
Batafsilroq baholash uchun isbotlar keltiring. Masalan, qaysi kataklarga qarash 
kerakligi kabi. Bu ishingizni boshqa birov tekshirishi va baholashini osonlashtiradi.
8.2-mashgʻulot
Ultimate League
 nomli elektron jadvalni takomillashtirishning uchta usulini 
yozing. Quyidagilar haqida fikr yuriting:
• Jadvalda ishlamayotgan elementlar bormi?
• Bu elementdan foydalanishni osonlashtira olasizmi?
• Qo‘shimcha funksiyalarni qo‘sha olasizmi?
• Ushbu jadvalni yanada yaxshiroq tarzda yaratish mumkin edimi?
Elektron jadval natijalarini diagramma sifatida taqdim etish
Jadvaldagi ma’lumotlarni o‘qish va talqin qilish qiyinchilik tug‘dirishi mumkin. Ba’zan 
ma’lumotlarni grafikda ko‘rish osonroq. Elektron jadval yordamida diagrammalar 
yaratish mumkin.