Марказий кенгаши Ўзбекистон «Миллий тикланиш» демократик партияси Қорақалпоғистон Республикаси кенгаши

74. Фуқаролар неча ёшдан Президент сайловида қатнашиш ҳуқуқига эга?
Жавоб: Ўзбекистон Республикасининг 18 ёшга тўлган фуқаролари Президент сайловида қатнашиш ҳуқуқига эга.


75. Сайловчилар рўйхати қандай тартибда тузи­лади?
Жавоб: Сайлов кунига қадар ёки сайлов куни ўн саккиз ёшга тўлган, яъни 2003 йил 24 октябрь кунига қадар ва шу куни туғилган, рўйхат тузилаётган пайтда мазкур сайлов участкаси ҳудудида доимий ёки вақтинча истиқомат қилаётган фуқароларнинг фа­милиялари сайловчилар рўйхатига киритилади.
Ҳар бир сайловчи фақат битта сайловчилар рўйхатига кири­тилиши мумкин.
Сайловчилар рўйхатлари Сайловчиларнинг ягона электрон рўйхатини шакллантириш бўйича ахборот тизими маълумотла­ри асосида тузилади.


76. Сайловда овоз бериш учун сайловчида ўзининг шахсини тасдиқловчи ҳужжати бўлиши керакми?
Жавоб: Ҳа, бўлиши шарт. Овоз бериш биносига келгач, сайлов­чи сайлов комиссиясининг аъзосига ўз шахсини тасдиқловчи ҳужжатни кўрсатади.


77. Сайлов бюллетенлари ким томонидан тасдиқланади?
Жавоб: Ўзбекистон Республикаси Президенти сайловига доир сай­лов бюллетенининг шакли ва матни Марказий сайлов комиссия­си томонидан тасдиқланади.


78. Овоз бериш қаерда ва қандай амалга оширилади?
Жавоб: Сайловчилар муддатидан олдин ёки сайлов куни участка сайлов комиссияси биносининг овоз бериш хонасида, шунинг­дек, сайловчининг турган жойида овоз бериш ҳуқуқига эгадир­лар. Ҳар бир сайловчи битта бюллетень орқали бир овозга эга бўлади.
Сайловчи сайлов бюллетенини олгач, уни яширин овоз бе­риш кабинасида ёки хонасида тўлдиради. Сайлов бюллетени­ни тўлдириш чоғида овоз берувчи шахсдан бошқа шахсларнинг ҳозир бўлиши тақиқланади.
Сайловчи ўзи ёқлаб овоз бераётган номзоднинг фамилияси рўпарасида, ўнг томонда жойлашган бўш квадратга «+» ёки «√» ёхуд «х» белгисини қўяди.
Овоз берувчи тўлдирилган сайлов бюллетенини сайлов қутисига ташлайди.