Markaziy osiyo xalqlari tarixi

20-mavzu. XX АSR SO‘NGGI CHОRАGI − XXI АSR BОSHLАRIDА АFG‘ОNISTОN VА SHАRQIY TURKISTОNNING IJTIMОIY-IQTISОDIY, SIYOSIY АHVОLI.


Reja:

1. 
   Mavzu tarixshunosligi: adabiyotlarning qiyosiy tahlili.
   
2. 
   Afg‘oniston va Sharqiy Turkistonda siyosiy erkinlikning cheklanishi. Milliylik uchun kurashning kuchayib ketishi.
   
3. 
   Iqtisodiy munosabatlarning izdan chiqishi.
   
4. 
   Sharqiy Turkistonda xitoylashtirish siyosatining kuchayishi.
   
5. 
   Sharqiy Turkistonda fan va madaniyat.
   

Tayanch so‘z va iboralar: ruhoniylar chaqirig‘i, “Qizil shahzoda” murojaati, “Savr inqilobi”, Sovet-Afg‘on urushi, Tolibonlar harakati, xalq kommunalari, «Katta sakrash», “xitoylashtirish siyosati”, «Shimoliy alyans», madaniy tadbirlar.


S Mavzu tarixshunosligi. Adabiyotlarning qiyosiy tahlili.
J 1. V.G. Korgun, “Istoriya Afganistana”. XX vek. Moskva-2004. Kitob butun XX asr mobaynida Afg‘onistonda yuz bergan ijtimoiy-siyosiy voqyeliklar: davlat to‘ntarishlari, hokimiyat uchun kurash, monarxiya tizimining tugashi va respublikaning tashkil topishi kabi siyosiy jarayonlarni yoritib beradi. Asar Afg‘oniston Demokratik Respublikasi (ADR) e'lon qilinishi, Inqilobiy kengash va hukumatning tuzilish davri, Nurmuhammad Tarakiy va Babrak Karmal amalga oshirgan ijtimoiy-siyosiy sohadagi yo‘nalishlarni ko‘rsatib beradi.
2. V.B. Yakovlevning «Vvedenie sovetskix voysk v Afganistan: 10 let voynы» //Shifr: 09-yeU-5250.// Ufa-2009yil. Samara davlat universitetida tasdiqdan o‘tgan mazkur himoya ishida 1979 yildan 1989 yilgacha davom etgan sovet-afg‘on urushi, uning sabablari va oqibatlari haqida so‘z yuritadi. Shuningdek, Sobiq Ittifoqning Afg‘onistonga hujumiga javob tariqasida AQSh yangi tashqi siyosiy strategiyasi yo‘nalishini tubdan o‘zgartirib yuborishi va to‘xtatib turuvchi qurollanish poygasiga aylantirib yuborish siyosatlari ham yoritilgan.