Маркетинг асослари

Корхона маркетинг стратегиясини шакллантираётганда атроф-муҳит омилларини тизимлаштирмоғи зарур, яъни энг муҳимларни уларни ичидан аниқлаб олиши.

Маркетинг микромуҳити

Маркетинг микромуҳити – корхонанинг ўз истеъмолчиларига хизмат кўрсатиш жараёнига таъсир этувчи ва бевосита корхона фаолиятига алоқадор бўлган субъектлар ҳамда омиллардир.

Маркетинг ички муҳити

Маркетинг ички муҳити – асосий ҳолатларда корхона томонидан назорат қилинадиган омиллар жанланмаси бўлиб корхонанинг бизнес муҳитини белгилаб беради.

• ишлаб чиқариш муҳити – технологиялар, ишлаб чиқаришдаги персоналлар, ишлаб чиқариш жараёнини ташкил этиш усуллари, хом-ашё, материаллар, ярим тайёр маҳсулотлар.
• бошқарув муҳити – ташкилий тузилма ва бошқарув функциялари, кадрларни бошқариш тизими, маълумотлар ва маълумотлар оқими, бошқарув техникаси ва усуллари, бошқарув қарорларини қабул қилиш жараёнлари.
• фаолиятнинг иқтисодий натижаси – корхона молиявий фаолияти, ишлаб чиқариш харажатлари, фойда, ялпи даромад, рентабеллик, сотув хажми.

Маркетинг муҳити тушунчаси

Корхонанинг микромуҳит омилларига қуйидагилар киради:

• етказиб берувчилар
• маркетинг воситачилари
• истеъмолчилар
• жамият
• рақобатчилар

Маркетинг микромуҳити

Етказиб берувчилар – корхонага товар ва хизматлар ишлаб чиқариш учун юридик ёки жисмоний шахслар томонидан етказиб берилувчи жисмоний ресурслардир. Етказиб берувчиларнинг хатти-харакатлари корхона фаолиятига сезиларли даражада таъсир этади.

Маркетинг воситачилари – истеъмолчиларни рағбатлантириш, улар орасида товар ва хизматларни тарғиб қилиш билан шуғилланувчи фирма.

маркетинг воситачиларини қуйидагиларга ажратиш мумкин:

• Сотув воситачилари
• Товар харакатини таъминловчи фирмалар
• Маркетинг хизматларини кўрсатувчи агентликлар
• Молия кредит ташкилотлари