Маъруза №1 Кириш қисми. Юқумли касалликлар умумий патологияси кириш маъруза режаси

ИММУНИТЕТ ТУГРИСИДА ТАЪЛИМОТ.

Инфекцион касалликларнинг баъзи хиллари билан огриган одамнинг тузалганидан сунг шу касалликларга берилмайдиган булиб колиши ва кайта огримаслиги аллакачон пайкалган эди. Масалан, урта асрларда тоун билан огриб утган одамларни, шу касаллик билан огриган беморларни парвариш килишга ёки улган кишиларни кумишга жалб килар эдилар. Огир эпедимиялар вактида хам айрим кишиларнинг касалланмаслиги маълум эди. Мана шулар хаммаси касаллик вактида одам организми унга тушиб колган касаллик микробларнинг зарарли таъсирларидан сакловчи химоя хосил килади, деб уйлашга мажбур этар эди. Одамни чин чечак билан огришдан саклаш максадида биринчи марта Женнер унга сигир чечагини сунъий йул билан юктиришдан фойдаланди. Пастер кутуриш ва куйдиргига карши эхтиёждан эмлаш усулларини таклиф этди. Шу тарика иммунологияга одамнинг инфекцион касалликларга берилмаслиги асосида ётадиган химоя механизмларини хамда шу химояни юзага келтирадиган омилларни урганувчи фанга асос солинади. Пастер И.И. Мечников, Беринг, РК Л.С. Ценковский, Г.Н. Габричевский, Борде, Эрлих ва бошкаларнинг текширишлари натижасида инфекцион касалликларнинг профилактикаси, ва диагностикасида каттагина муваффакиятлар кулга киритилди. Иммунитет ходисаларини урганиш касалликларнинг олдини олиш учун препаратлар яратишга шифобахш зардоблар ва гамма - глобулинлар олишга, касалликлар диагностикаси учун иммунитет реакцияларидан фойдаланишга имкон берди.

Иммунитетнинг турлари ва шакллари

Организмнинг касаллик тугдирувчи микроблари ва табиатан инфекцион булган моддаларга берилмаслиги иммунитет деб аталади.

(лотинча immunitas -бирор нарсадан холос булиш деган суздан олинган) . Иммунитет асосида тирик организмларнинг генетик жихатдан ёт булган молекуляр структураларни таниб, ажратиб олиш лаёкати ётади. Иммунитет механизмлари ва омиллари организмни инфекцион касалликларга берилмайдиган килиб куйишдан ташкари, кучириб утказишда орган ва тукималарнинг тушиб кетиши ( имплантацион иммунитет ), уз тукималарини ёт тукималардан ажратиш ( организм толерантлиги ) сингари ходисаларнинг асосида хам ётади.
Иммунитет турлари ва шаклларнинг хар хил классификациялари бор. Бу - организмда буладиган химоя омиллари ва иммунитет механизмларининг анча хилма - хиллигига богликдир. Иммунитет турлари ва шаклларининг энг оддий классификацияси:
1 Табиий иммунитет
а) тугма, турга алокадор иммунитет:
б) хает давомида орттирилган иммунитет:
Чакалокларнинг пассив иммунитети хам табиий иммунитет жумласига киради.
2. Сунъий иммунитет:
а) вакцинациядан кейин пайдо буладиган актив иммунитет
б) организмга шифобахш зардоблар ёки гамма - глобулинлар юборилганида пайдо буладиган пассив иммунитет А.М. Безредка органлар ва тукималар иммунитетини айрим шакли деб ажратишни таклиф этди.
Табиий иммунитет. Тугма, турга алокадор иммунитет касалликка берилмасликнинг хаммадан кура мустахкам шакли булиб, мазкур турнинг тугма биологик хусусиятларидан келиб чикади. Масалан: одам корамол улати, товук вабоси, чучкалар сарамоси билан касалланмайди. Хайвонлар, аксинча одам касалликлари: сузак, захм, дифтерия, вабога берилмайдиган булади. У ёки бу касалликларга ана шундай берилмаслик хусусиятлари наслдан наслга утиб боради. Турга алокадор тугма иммунитет, афтидан, организм тукималарнинг муайян микроблар паразитлик килишга табиатан берилмаслиги окибатидир. Табиий иммунитетда хужайрада руй бериб турадиган биохимиявий процесслар катта ахамиятга эга. Тугма иммунитет носпецифик булади, чунки хар хил касалликларга карши кор килади. Лекин у узгармас, доимий эмас, организм совук котганида, кизиб кетганида , авитаминозларда, кортизон таъсир килиб турганида сусайиб колиши мумкин. Чунончи, жужалар совутилганда куйдирги билан огришга курсатиладиган табиий каршилиги сусайиб колиши мумкин, яшил бакалар киздирилганида эса, аксинча кокшолга сезгир булиб колади.
Одам инфекцион касаллик билан огриб утганидан кейин унда турмушда орттирилган иммунитет пайдо булади, шунинг учун иммунитетнинг бу хили инфекциядан кейинги, яъни постинфекцион иммунитет деб хам аталади. Турмушда орттирилган иммунитет индивидуал булади, наслдан - наслга утмайди. У спецификдир, чунки организмни факат бошдан кечирилган касалликдан саклайди.
Постинфекцион иммунитет хар хил муддат давом этади. Баъзи касалликларда, масалан, тоун, туляремия, кукйутал, кизамик, эпидемик паратитда у умр буйи сакланади. Буларда одам жуда камдан - кам холлардагина иккинчи марта касалланиши мумкин. Киши корин тифи, вабо, чин чечак, дифтерия, тошмали тиф, куйдирги билан огриб утганидан кейин хам узок муддатгача турмушда ортирилган иммунитет вужудга келади. Турмушда орттирилган иммунитет баъзи инфекцияларда киска муддатли булади ва одам бир касалликнинг узи билан бир неча марта огриши мумкин. Масалан бруцеллезда постинфекцион иммунитет 8 - 12 ой давом этса, А типдаги вирусдан пайдо буладиган гриппда 1 - 2 йил, В типдаги вирусдан пайдо буладиган гриппда эса 3- 6 йил давом этади. У ёки бу инфекцион касалликка берилмаслик холати касалликнинг ифодаланган формасидагина эмас, балки енгил, билинмайдиган, симптомларсиз утаётган формаларида хам вужудга келаверади.
Купчилик инфекцион касалликларда мазкур кузгатувчига берилмаслик холати организмнинг микроблардан тозаланиши билан бирга пайдо булиб боради ва киши согайганидан кейин кузгатувчидан халос булади. Иммунитетнинг мана шу шакли баъзан стерил иммунитет деб хам аталади. Стерилмас ёки инфекцион иммунитет хам бор. У шундай иборатки, мазкур микробнинг такрор юкишига одамнинг берилмаслиги учун организмида уша кузгатувчи борлигига боглик булади. Микроб организмдан чикиб кетиши биланок одам уша инфекцион касалликка яна берилувчи булиб колади. Сил, захм, чукур микозлар, безгакда инфекцион иммунитет булади. Организмнинг химоя реакциялари микробни йукотишга сафарбар этиладиган антибактериал иммунитет ва микроорганизмнинг захарли махсулотлари зарарсизланиб борадиган антитоксик иммунитет тавофут килинади. Кокшол, ботулизм, дифтерия, газли гангренада антитоксик иммунитет айникса катта ахамиятга эгадир, буларда шу касалликларнинг экзотоксинлари турли органлар ва системаларни шикастлантиради.